ყელი ყველაზე ადრე გასცემს ქალის ასაკს, ამიტომ მას განსაკუთრებული ყურადღება სჭირდება. თუ გსურთ ახალგაზრდობის შენარჩუნება, გამონახეთ დრო და გაითვალისწინეთ შემდეგი რჩევები:

1. კონტრასტული შხაპი ერთ-ერთი ყველაზე ეფექტური საშუალებაა - დაიწყეთ და დაამთავრეთ ცივი წყლის ჭავლით.

გაითვალისწინეთ: კონტრასტული შხაპი რეკომენდებული არ არის იმ ქალებისთვის, რომლებიც ჩვილს ძუძუთი კვებავენ და არც მათთვის, ვისაც ფარისებრი ჯირკვლის დაავადებები აწუხებს.

2. დილის აუცილებელი პროცედურები:

დაიბანეთ გრილი წყლით და ყელი და დეკოლტეს ზონა ხელსახოცით შეიმშრალეთ.

წაისვით ასაკის საწინააღმდეგო კრემი - ლავიწის ძვლიდან ნიკაპის მიმართულებით.
მას შემდეგ, რაც კანი კრემს შეიწოვს, გაიკეთეთ მასაჟი მარილიან წყალში დასველებული პირსახოცის მსუბუქი დარტყმებით.

3. საღამოს პროცედურები:

გამაახალგაზრდავებელი კომპრესი

წაისვით დეკოლტეს ზონასა და ყელზე კრემი და თბილი სველი პირსახოცით შეიფუთეთ. გაიჩერეთ 20-30 წუთით.

სამკურნალო ბალახების კომპრესი

მას გამაჯანსაღებელ კომპრესსაც უწოდებენ. მოამზადეთ გვირილის, სალბის, ცაცხვის ან პიტნის ნაყენი. ცხელ ნაყენში დაასველეთ პირსახოცი , ოდნავ გაწურეთ და შეიფუთეთ ყელი 5-7 წუთის განმავლობაში. სასურველია, პროცედურის შემდეგ ყელი ყინულის კუბიკებით დაიზილოთ.

სოფიო ბულაური