აღმოჩნდა, რომ ხილის წვენი არც ისე სასარგებლო ყოფილა, როგორც ვარაუდობდნენ. სპეციალისტები დიდი რაოდენობით ხილის წვენის სმას არავის ურჩევენ, მით უმეტეს მათ, ვინც წონაში დაკლებას აპირებს. ყველაფერი კი იმის ბრალია, რომ ხილის წვენი შეიცავს ფრუქტოზას, გლუკოზას და შაქარს. დიეტოლოგები დაჟინებით აფრთხილებენ გახდომის მსურველებს: "დაიმახსოვრეთ, რომ დესერტი - ეს არის ხილი და რომ ხილი - ეს არის დესერტი!"

რაც შეეხება მიზეზებს, რატომ არ გამოგადგებათ ხილის წვენი გახდომისას, აი ისინი:

1. ხილის წვენი ორგანიზმს უხვად ამარაგებთ შაქრით, უფრო ზუსტად, ფრუქტოზით, რომელიც სხვადასხვა მიზეზის გამო შეიძლება უარესიც კი იყოს. ფრუქტოზა გაცილებით სწრაფად გარდაიქმნება ცხიმად, ვიდრე ნებისმიერი სხვა ნახშირწყალი.

2. ზოგიერთი მეცნიერი ვარაუდობს, რომ ფრუქტოზა თითქმის ისევე აზიანებს ღვიძლს, როგორც ალკოჰოლური სასმელი. ფრუქტოზის ხანგრძლივმა მიღებამ შეიძლება გამოიწვიოს ზედმეტი წონა, გულისა და კუჭის პრობლემები. ფრუქტოზის მეტაბოლიზმის პროცესში ფორმირებული ცხიმმჟავები შეიძლება დაგროვდეს ღვიძლსა და კუნთოვან ქსოვილებში და ორგანიზმში სრული ქაოსი შექმნას.

3. გლუკოზა შაქრის კიდევ ერთი სახეობაა, რომელსაც ხილი შეიცავს. ის ხელს უწყობს შიმშილის ჰორმონის ბალანსის დაცვას. თუმცა ორგანიზმში ჭარბი რაოდენობით მიღებული გლუკოზი შედეგად განვითარებული პროცესები უფრო ააქტიურებს საკვების მიღების მოთხოვნილებას.

4. მეცნიერები ცხოვრების ჯანსაღი წესისა და სწორი კვების მიმდევრებს ურჩევენ, ყურადღება მიაქციონ მწვანე ბოსტნეულის წვენებს და შეეცადონ შეზღუდონ ნებისმიერი სახის შაქრის მოხმარება. წესის დაცვა მნიშვნელოვანია ხილის გამოყენების დროსაც, განსაკუთრებით, თუ სპორტით ხართ დაკავებული და იდეალური ფორმების მიღწევას ცდილობთ.

სოფიო ბულაური