ქოლესტერინის საწინააღმდეგო ბევრი პრეპარატი არსებობს, მაგრამ მედიკამენტებს ზოგს ხალხური რეცეპტები ურჩევნია. გთავაზობთ რამდენიმე მათგანს:

ლობიო

ეს რეცეპტი ძალზე ეფექტურია და სწრაფი შედეგი აქვს. ერთი ჭიქა ლობიო (100 გრამზე ნაკლები არ უნდა იყოს) მთელი ღამით ჩაალბეთ, დილით დაუმატეთ ერთი დანის წვერი სოდა და მოხარშეთ. გაყავით ორ ნაწილად და დღის განმავლობაში ორ ულუფად მიირთვით.
მკურნალობის კურსი 3 კვირაა.

სელის თესლი

სელის თესლი დაუმატეთ ნებისმიერ კერძში, რომელსაც მიირთმევთ. უფრო მოსახერხებელი რომ იყოს, შეგიძლიათ ყავის საფქვავით დაფქვათ.

წიწიბურას ფქვილი

3 სადილის კოვზი წიწიბურას ფქვილი გახსენით ერთ ჭიქა ცივ წყალში და ჩაასხით ერთ ლიტრ მდუღარე წყალში, ხარშეთ 10 წუთის განმავლობაში. მიითეთ 100 მილიგრამი 2-ჯერ დღეში.

ცაცხვის ყვავილი

ხმელი ცაცხვის ყვავილი კარგად დაფხვენით (შეგიძლიათ ყავის საფქვავით დაფქვათ) და მიიღეთ 1 ჩაის კოვზი 3-ჯერ დღეში.

სოფიო ბულაური