ნებისმიერი დიეტის დაცვისას გოგონებს განსაკუთრებით ტკბილეულისგან თავშეკავება უჭირთ. არადა, ეს აუცილებელი არც არის, ცხადია, თუ ძალიან ბევრს არ მიირთმევთ. ასე რომ, დროდადრო თავის განებივრება შეგიძლიათ. საერთოდ, თუ ორგანიზმს ტკბილ საკვებს სწორად მიაწვდით, თქვენს წონას არავითარი საფრთხე არ დაემუქრება.

მაშ ასე:

უპირატესობა მიანიჭეთ ბუნებრივ შაქრებს. მაგალითად, ბანანი მეტ საკვებ ნივთიერებას შეიცავს და ნაკლებად კალორიულია, ვიდრე, ვთქვათ, შოკოლადმოსხმული ფუნთუშა. თანაც შაქარი ბანანში უფრო მეტია. გარდა ამისა, ბუნებრივი შაქრის შემცველი პროდუქტები, მათ შორის ბანანიც, ჩეულებრივ, სხვა სასარგებლო ნივთიერებებსაც შეიცავენ, მაგალითად, უჯრედისს, პროტეინებს, ჯანსაღ ცხიმებს.

დააბალანსეთ შაქარი ნახშირწყლების, უჯრედისისა და ჯანსაღი ცხიმების მიღებით - ეს სამი ნივთიერება აფერხებს სისხლში შაქრის შეწოვის პროცესს, რაც აქვეითებს ენერგიასა და სისხლში შაქრის დონეს ამცირებს. ეს ნიშნავს, რომ ტკბილეულისგან მიღებული ეფექტი უფრო ხანგრძლივი იქნება და გემრიელი, მაგრამ მავნე საკვების მიღება ნაკლებად მოგიწევთ.

ტკბილეული შეგიძლიათ მიირთვათ ვარჯიშამდე ან ვარჯიშის შემდეგ. მართალია, ეს სწორი არ არის, მაგრამ არაფერს მაინც სჯობს. თანაც იდეა, რომ ჯერ ტკბილეული მიირთვა და შემდეგ სპორტდარბაზში დაიხარჯო, საღ აზრს მოკლებული არ არის. ურო მეტიც, ტკბილეული ენერგიას შეგმატებთ, რომ უფრო აქტიურად ივარჯიშოთ.

არ დალიოთ შაქრიანი ყავა, არც ტკბილეული მიაყოლოთ. დიახ, ეს ძალიან ძნელია, მაგრამ ძალიან მნიშვნელოვანია. კოფეინი აფერხებს შაქრის გადამუშავების პროცესს, შაქარი კი დროებით ამაღლებს ინსულინორეზისტენტულობას და ხელს უწყობს ცხიმების დაგროვებას.
ჩართეთ რაციონში დარიჩინი - ის ახანგრძლივებს ნაყროვანების გრძნობას და ხელს უწყობს სისხლში შაქრის დონის შემცირებას.

სოფიო ბულაური