ლეგენდარული სოფი ლორენი ინტერვიუებში ყოველთვის აღნიშნავდა, რომ ქალის სილამაზის ძირითადი პირობაა - კარგი მაკარონი, ჯანსაღი ძილი და საყვარელი მამაკაცი გვერდით. მსახიობი რადიკალური კოსმეტოლოგიის მიმდევარი არასდროს ყოფილა და უპირატესობას ნატურალურ საშუალებებს ანიჭებს. ის ყოველდღიურად ზეითუნის ზეთს იზელს სახესა და სხეულზე, ასევე იყენებს გამაახალგაზრდავებელ კრემს.

გთავაზობთ სოფი ლორენის კრემის რეცეპტს:

დაგჭირდებათ ჟელატინი, რძე ან ნაღები, თაფლი და თეთრი, მშრალი ღვინო.

1 ჩაის კოვზი ჟელატინი 100 მლ რძეში გახსენით. კარგად აურიეთ, ხოლო იმისთვის, რომ ჟელატინი უკეთ გაიხსნას, რძე შეათბეთ. ნარები 6 საათს მაცივარში გააჩერეთ.

დროის გასვლის შემდეგ, ჟელატინიან რძეს 1 ჩაის კოვზი ზეითუნის ზეთი დაუმატეთ. შემდეგ თაფლი და თეთრი ღვინო. ერთგვაროვანი მასის მისაღებად კარგად აურიეთ.
ნიღაბი კვირაში ორჯერ, გასუფთავებულ კანზე წაისვით.

პროცედურა 30 წუთს გრძელდება . კურსი - 2 თვეს, რის შემდეგაც 30 დღიანი შესვენება მოგიწევთ.

ნიღაბი ძალიან ეფექტურია, რამდენადაც ძალიან სასარგებლო, მკვებავ ნივთიერებებს შეიცავს. შესანიშნავად კვებავს და აახალგაზრდავებს კანს. აღსანიშნავია, რომ კურსის დასრულების შემდეგ პატარ-პატარა ნაოჭები სრულიად ქრება.

თუ ცხიმიანი კანი გაქვთ, რძე კეფირით ჩაანაცვლეთ, ზეითუნის ზეთის ნაცვლად კი ტყის თხილის რძე გამოიყენეთ.

ნიღაბი თბილი წყლით ჩამოიბანეთ, შემდეგ გაიკეთეთ ცაცხვის(თუ მშრალი კანი გაქვთ) ან აბზინდას(თუ ცხიმიანი კანი გაქვთ) ნაყენის კომპრესები.

ნაყენის მოსამზადებლად დაგჭირდებათ - სუფრის კოვზი გამხმარი ბალახი და 250 მლ წყალი. წყალი ადუღებამდე მიიყვანეთ და ცეცხლზე 2-3 წუთს გააჩერეთ. შემდეგ კი გააგრილეთ. გაფილტრეთ და შეინახეთ მაცივარში.

პენი ლეინი