სახე. გამწმენდი კრემით, ცენტრიდან საფეთქლებისკენ მსუბუქი მასაჟი გაიკეთეთ. სახე თბილი წყლით ჩამოიბანეთ და რბილი პირსახოცით შეიმშრალეთ. შემდეგ სახესა და ყელზე დამატენიანებელი კრემი წაისვით.
თვალები. ასაკის მატებასთან ერთად თვალების ირგვლივ წვრილი ნაოჭები ჩნდება. ნაზი კანის სიგლუვის შესანარჩუნებლად ანტიმჟანგავების შემცველი ქუთუთოების კრემი წაისვით.
ტუჩები. მშრალი კანი ასაქერცლი
სხეული. მსუბუქი მოძრაობით სუფთა სხეულზე დამატენიანებელი ლოსიონი წაისვით.
ფეხები და ხელები. ფეხისგულებში ბალახების ექსტრაქტზე დამზადებული დაღლილობის მოსახსნელი ფეხის კრემი შეიზილეთ და შემდეგ ბამბის წინდები ჩაიცვით. თბილ ფეხებზე კრემის დამარბილებელი ეფექტი გაძლიერდება. ხელებზე ხელის კრემი წაისვით და ორივე ხელი ნაზად მანამ დაისრისეთ, სანამ კრემი მთლიანად არ შეიწოვება.
თმა. დაასვენეთ თმაც. ნატურალური ჯაგრისით ყველა მიმართულებით გულმოდგინედ დაივარცხნეთ. ამით სისხლის მიმოქცევა უმჯობესდება. თუ ღამით თმა გეწეწებათ, ატლასის ბალიშისპირი შეიძინეთ.
ძილი. თუ შეშუპებისკენ გაქვთ მიდრეკილება, დაძინებამდე ერთი საათით ადრე ნურაფერს დალევთ. თუ ეს პრობლემა არ გაწუხებთ, საწოლში ერთი ფინჯანი გვირილის ან პიტნის ჩაი დალიეთ. ძილისთვის საუკეთესო პოზიცია ზურგზე წოლაა. დილით სახე დაღარული აღარ გექნებათ.
კესო ლაღიძე
