კანის დაავადებების შემთხვევაში - კურკუმა იდეალურია. ინდოეთში კურკუმა ფართოდ გამოიყენება, როგორც კოსმეტოლოგიური საშუალება: აუმჯობესებს სახის ფერს, წმენდს კანს.

გამოიყენება მასაჟის დროს და კანის ნებისმიერი დაავადების სამკურნალოდ.

ტონუსის ასამაღლებლად და ორგანიზმის გასაწმენდად, დალიეთ კურკუმა ღამით, ცხელ რძესთან, კარაქთან და თაფლთან ერთად.

კურკუმას გამაახალგაზრდავებელი თვისებები

კურკუმა შეიცავს სხვადასხვა ზეთებს: ეთერულ თუ ცხიმოვანს. ფენოლურ ნაერთებსა და ცხიმსაც კი.
კურკუმა ხელს უშლის კანის უჯრედებზე მავნე ზემოქმედებას, რაც აფერხებს სიბერის პროცესს. თუ რეგულარულად გამოიყენებთ კოსმეტოლოგიურ საშუალებებს კურკუმას შემცველობით, ნაოჭები დიდხანს არ შეგაწუხებთ. კვებავს, ამსუბუქებს, ახალგაზრდა და ჯანმრთელ შეხედულებას სძენს კანს.

კურკუმას გამწმენდი ნიღაბი

2 ს.კ. კოსმეტიკურ თიხას შეურიეთ 1 ჩ.კ.-ის მეოთხედი კურკუმას ფხვნილი.
თასში მოათავსეთ ნარევის მესამედი, დაუმატეთ ცოტაოდენი წყალი და რამდენიმე წვეთი ლავანდის ეთერზეთი.

თუ მშრალი კანი გაქვთ, წაისვით ნიღაბი თხლად. ცხიმიანი კანის შემთხვევაში კი - წაისვით სქლად. გაიჩერეთ
10 -15 წუთს, ჩამოიბანეთ გრილი წყლით.

სახის კანის გამაახალგაზრდავებელი კურკუმას ნიღაბი

1 ჩ.კ. კურკუმა, 1 ჩ.კ. რძე ან ნაღები, 1 ჩ.კ. თაფლი.
ინგრედიენტები აურიეთ და გაიჩერეთ სახეზე 10-30 წუთს.

ნიღაბი დღე გამოშვებით გაიკეთეთ.

შედეგს 2-3 პროცედურის შემდეგ მიიღებთ.

მოგიხსნით ანთებით პროცესებს, აახალგაზრდავებს კანს, იარებს მოგიშუშებთ და გაგიუმჯობესებთ სახის კანის შეფერილობას.

იზრუნეთ მარტივად თქვენს ჯანმრთელობასა და სილამაზეზე!

ანა ვერძაძე