ხალხურ მედიცინაში ოროვანდის ახალი ფოთლების წვენით წარმატებით მკურნალობენ სხვადასხვა სახეობის კისტებს: თირკმელებზე, საშვილოსნოზე და საკვერცხეებზე. მკურნალობა ოროვანდის წვენით ხანგრძლივია და საჭიროებს დისციპლინას, სამაგიეროდ ამ საშუალებით ერთხელ ნამკურნალევს, სამუდამოდ შეიძლება ამ პრობლემისგან განთავისუფლება.

ოროვანდი - ძველი შემოწმებული საშუალებაა. მის ძალას მიომები , ფიბრომები და სხვა ახალი წარმონაქმნებიც კი ემორჩილებიან, ვინაიდან მას გააჩნია სიმსივნის საწინააღმდეგო და გამწოვი თვისებები. ოროვანდი არეგულირებს ნივთიერებათა ცვლას ორგანიზმში, კურნავს მთელ კუჭ-ნაწლავის სისტემას, წმენდს სისხლს.

რეცეპტი:

ოროვანდის ახალგაზრდა ფოთლები (აგვისტო ბოლო ვადაა წვენის მოსამზადებლად) გარეცხეთ და გაატარეთ ხორცსაკეპ მანქანაში. გაწურეთ და წვენი გადაასხით შუშის ქილაში. შეინახეთ მაცივარში.

მიიღეთ სქემის მიხედვით, არც ერთი დღე არ უნდა გამოტოვოთ:

1 და 2 დღეები - 1 ჩ.კ. 2-ჯერ დღეში

3, 4 და მომდევნო დღეები - 1 ჩ.კ. 3-ჯერ დღეში

მკურნალობის კურსი - 1თვე. თუ 1 თვეში კისტა მთლიანად არ გაიწოვა, მოგიწევთ მკურნალობის კურსის
განმეორება. სულ შეიძლება დაგჭირდეთ 3 კურსი, კურსებს შორის 1 თვიანი შესვენებით.

მკურნალობის პროცესში ძილის წინ წელის არეში შეიძლება ოროვანდის ზეთის შეზელვა, რაც გააძლიერებს ეფექტს და დააჩქარებს გამოჯანმრთელებას.