28 ივნისი, 2015
ოსტეოქონდროზის, ართრიტისა და რადიკულიტის დროს - სახლის პირობებში მომზადებული ეფექტური ნაყენი და მალამო
უპირველეს ყოვლისა უნდა მოვამზადოთ ხარისძირას ფესვის ნაყენი, ვინაიდან ის ოსტეოქონდროზის, ართრიტისა და რადიკულიტის საწინააღმდეგო მალამოების ყველაზე მთავარი კომპონენტია.

მომზადება:

ყავის საფქვავში დაფქვით ხარისძირას ფესვი, ფხვნილის 10 გრამს დაასხით 2 ჭიქა მდუღარე წყალი და დააყენეთ 10-15 წუთის განმავლობაში. გაწურეთ და გამოიყენეთ შემდეგი მალამოების რეცეპტებისთვის:

მალამო №1

1-1 ს.კ. კრაზანა და პიტნა აურიეთ ერთმანეთში. დაასხით 1 ჭიქა მდუღარე წყალი, დააყენეთ 10 წუთი და გაწურეთ. 2 ს.კ. ვაზელინი გაადნეთ წყლის აბაზანაზე, დაამატეთ გამზადებული მცენარეული ნაყენი და ბოლოს -
1 ჩ.კ. ხარისძირას ფესვის ნაყენი. შეინახეთ მაცივარში. ოსტეოქონდროზისა და რადიკულიტის დროს შეიზილეთ მალამო მტკივნეულ ადგილებში.

მალამო №2

1-1 ჩ.კ. ასფურცელა, კრაზანა და სალბი დააქუცმაცეთ და აურიეთ ერთმანეთში. 2 ს.კ. ვაზელინი გაადნეთ წყლის აბაზანაზე, დაამატეთ მცენარეული ნაკრები და ბოლოს - 2 ჩ.კ. ხარისძირას ფესვის ნაყენი. შეინახეთ მაცივარში. ართრიტის და პოლიართრიტის დროს შეიზილეთ მტკივნეულ ადგილებში.

მალამო №3

1-1 ს.კ. კრაზანა და ასფურცელა აურიეთ ერთმანეთში. დაასხით 1 ჭიქა მდუღარე წყალი, დააყენეთ 10 წუთი და გაწურეთ. 2 ს.კ. ლანოლინი გაადნეთ წყლის აბაზანაზე, დაამატეთ გამზადებული მცენარეული ნაყენი და ბოლოს - 1 ჩ.კ. ხარისძირას ფესვის ნაყენი. შეინახეთ მაცივარში. ოსტეოქონდროზისა და რადიკულიტის დროს შეიზილეთ მალამო მტკივნეულ ადგილებში.

კესო ლაღიძე
FaceBook Twitter Google ელფოსტაბეჭდვა
კომენტარი / 0 /
კომენტარი ჯერ არ გაკეთებულა.
TOPS