1. კურაგა (გარგარის ჩირი) - როგორც ზოგადგამაძლიერებელი და ვიტამინებით და მინერალებით მდიდარი საშუალება რეკომენდებულია კლიმაქტერიულ პერიოდში, ფეხმძიმე ქალებისთვის შეშუპებების დროს, გულის რითმის დარღვევისა და ჰიპერტონიის დროს. დოზა: 100-150 გ დღეში.

2. უხვი ან მცირე მტკივნეული მენსტრუაციის, კლიმაქსური სისხლდენების დროს რეკომენდებულია დღეში 1-2 ჭიქა წითელი სამყურას ყვავილის ჩაი.

3. მენსტრუაციის ციკლის დარღვევის და ტკივილის დროს შეუცვლელია ცაცხვის ყვავილის ჩაი. 45 წლის ზევით ასაკის ქალებისთვის საჭიროა 6 თვეში ერთხელ 1 თვის მანძილზე დილაობით 1 ჭიქა ცაცხვის ჩაის დალევა. ასეთი მკურნალობა თავიდან აცილებს ნაადრევ კლიმაქსს და მასთან დაკავშირებულ პრობლემებს. გარდა ამისა, ცაცხვის ჩაით მკურნალობენ ქალთა სასქესო სფეროს კეთილთვისებიან სიმსივნეებს (მიომებს, ფიბროადენომებს).

ამ მიზნით საჭიროა ცაცხვის ყვავილის დაკრეფა მხოლოდ ახალი მთვარის პირველი ორი დღის განმავლობაში, ვინაიდან შემდეგ ცაცხვის ყვავილი კარგავს თავის სიმსივნურსაწინააღმდეგო მოქმედებას. მკურნალობის კურსი ხანგრძლივია - პრობლემის მოგვარემამდე. ცაცხვის სამკურნალო თვისებები ძლიერდება, თუ მას დაუმატებთ სალბის ბალახს პროპორციით 1:1.

4. თუ ყველაფერი გაღიზიანებთ, გრძნობთ სისუსტეს, მოულოდნელად გეუფლებათ მელანქოლია და დეპრესია, დაგეხმარებათ ნასტურციის ფოთლები, ყვავილი ან თესლი. ფოთოლი და ყვავილი შეგიძლიათ გაახმოთ, ხოლო თესლი დაფქვათ ყავის საფქვავში და გამოიყენოთ იქ, სადაც იყენებთ მარილს და სანელებლებს. სხვათა შორის ძალიან სასარგებლოა ასევე მამაკაცებისთვის.ფოთოლი და ყვავილი კი გამოიყენეთ ჩაის სახით.