ბრინჯის ბურახი წმენდს ორგანიზმს შლაკებისგან და ტოქსინებისგენ, არეგულირებს ნივთიერებათა ცვლას, ხელს უწყობს შიდა ორგანოების მუშაობის აღდგენაში, აახალგაზრდავებს ორგანიზმის უჯრედებს, ამაგრებს გულის კუნთს.

მომზადება:

1 ლ ანადუღარ წყალში ჩაყარეთ 4 ს.კ. ინდური ბრინჯი, 3 ს.კ. შაქარი და 5 ც. შავი ქიშმიში. კარგად მოურიეთ, დააფარეთ ჭურჭელს დოლბანდი და დადგით დასაყენებლად 4 დღით, თუ ძალიან ცხელა - საკმარისია 3 დღეც. შემდეგ მზა ბურახი გადაასხით ბოთლებში ისე, რომ ნარჩენები (ბრინჯი და ქიშმიში) არ გადაყვეს და დარჩეს ძირზე. ბურახი შეინახეთ მაცივარში, ხოლო ნარჩენები არ გადაყაროთ, მის საფუძველზე უნდა გაკეთდეს შემდეგი ულუფა.

მიღების წესი:

ბურახი უნდა მიიღოთ ½ ჭიქა 3-ჯერ დღეში ჭამის შემდეგ. მკურნალობის კურსი - 1 თვე. 1 თვის შესვენების შემდეგ საჭიროებისამებრ შეგიძლიათ გაიმეოროთ.

ბურახის შემდეგი ულუფის დასამზადებლად პირველი ულუფის ნარჩენებს დაამატეთ 1 ლ ანადუღარი წყალი, 3 ს.კ. ინდური ბრინჯი, 3 ს.კ. შაქარი და 3 ც. შავი ქიშმიში. კარგად აურიეთ და დააყენეთ იგივე რეჟიმში. მეორე ულუფის დამზადების შემდეგაც ისევ არ გადაყაროთ ნარჩენები, ისინი დაგჭირდებათ მესამე ულუფის დასამზადებლად, ხოლო უკვე დაგჭირდებათ 1 ლ ანადუღარი წყლის, 2 ს.კ. ინდური ბრინჯის, 2 ს.კ. შაქრის და 3 ც. შავი ქიშმიშის დამატება.

გახსოვდეთ, რომ ნებისმიერი პრეპარატის, საშუალების ან მეთოდის გამოყენებამდე აუცილებლად გაიარეთ კონსულტაცია მკურნალ ექიმთან.