ნუში - ვიტამინების და მინერალების მდიდარი წყაროა, სასიკეთოდ მოქმედებს გულსისხლძარღვთა სისტემაზე, არეგულირებს ნივთიერებათა ცვლას და აუმჯობესებს მხედველობას. უკანასკნელმა გამოკვლევებმა აღმოაჩინეს ამ პროდუქტის კიდევ ერთი სარგებელი: ნუშის ყოველდღიური გამოყენება ხელს უწყობს კუჭ-ნაწლავში სასარგებლო ბაქტერიების გამომუშავებას, რომლებიც აუმჯობესებენ საჭმლის მონელებას.

ნუში შეიცავს მაგნიუმს, თუთიას, რკინას, E და B ვიტამინებს - ნატურალურ ანტიოქსიდანტებს, რომლებიც ეხმარებიან გულის დაავადებებთან ბრძოლაში. ამის გარდა ნუში კალციუმის კარგი წყაროა.

ნუშის რძის დამზადების წესი:

კანის მოსაცილებლად ½ ჭიქა ნუში წინასწარ დაალბეთ ცივ წყალში 10-12 საათით ან შეგიძლიათ დაასხათ რამდენიმე წუთით მდუღარე წყალი და ადვილად მოაშოროთ კანი. როცა კანი მოშორდება დაასხით 4 ჭიქა წყალი, დაუმატეთ 2 ს.კ. თაფლი და მარილი გემოვნებით.

ყველა ინგრედიენტი ათქვიფეთ ბლენდერში ერთგვაროვან კონსისტენციამდე. მიღებული ნარევი გაწურეთ რამდენიმე ფენად მოკეცილ მარლაში.

სასარგებლო რძე მზად არის. შეინახეთ მაცივარში არა უმეტეს 3 დღე. მიირთვით გემრიელი სამკურნალო სასმელი დღეში ერთხელ, 50 გრ. 2 კვირის განმავლობაში.

ზემოაღნიშნული რეცეპტით დამზადებული ნუშის რძე ასევე შეგიძლიათ წარმატებით გამოიყენოთ როგორც ხილის კოქტეილებში, ისე სახის დასაბანად.