მოდური ნივთები ზოგჯერ ძალიან ძვირი გვიჯდება და ეს მხოლოდ ფასს არ ეხება, ექსპერტთა აზრით, ვიწრო ჯინსის შარვალი და მაღალი წვრილქუსლიანი ფეხსაცმელი ჯანმრთელობას რეალურ საფრთხეს უქმნის. შემოგთავაზებთ რამდენიმე მოდურ საფრთხეს, რომელთაც სასურველია მოერიდოთ.

ვიწრო ჯინსის შარვალი - ვიწრო ჯინსის შარვალმა ან ზედმეტად მჭიდროდ მოჭერილმა ქამარმა შეიძლება უხეშად მოიყოლოს ნერვული დაბოლოებები, გამოიწვიოს სხეულის დაბუჟება და პრობლემები შეუქმნას.

მაღალი წვრილქუსლიანი ფეხსაცმელი - ფეხსაცმლის ვიწრო ცხვირი და მაღალი წვრილი ქუსლი უამრავ პრობლემას ქმნის _ კოჟრები, ნერვის დაზიანება, მყესების დაჭიმვა. ან უნდა შეზღუდოთ ასეთი ფეხსაცმლის გამოყენება, ან უნდა შეარჩიოთ მყარსუპინატორიანი და ისეთ კალაპოტიანი, რომელიც სხეულის წონას თანაბრად ანაწილებს.

ტანგა - უხეშმა ნაკერებმა სხეულზე ხახუნისას შეიძლება კანი გააღიზიანოს, წარმოქმნას მიკრონახეთქები, რაც შემდგომში სოკოვანი და ბაქტერიული ინფექციის განვითარებას უწყობს ხელს. ხოლო სიცხისა და სექსუალური აქტიურობისას შეიძლება, ეს ინფექციები გართულდეს კიდეც.

ჰალსტუხი -მამაკაცის პერანგის ვიწრო საყელო და მჭიდროდ მოჭერილი ჰალსტუხი ხელს უშლის თავის ტვინის სისხლით მომარაგებას, რამაც შეიძლება მხედვლეობის დარღვევა, თავის ტკივილები და ყურებში ხმაური გამოიწვიოს.

პირსინგი - სპეციალისტების აზრით, პირსინგმა დაახლოებით 20% შემთხვევაში შეიძლება ბაქტერიული ინფექცია გამოიწვიოს.

კესო ლაღიძე