სალბი - ერთერთი ყველაზე პოპულარული მცენარეა, რომელიც გამოიყენება ხველების, ანგინის, ფარინგიტის, ბრონქიტის და ნებისმიერი ვირუსული დაავადების სამკურნალოდ. მას გააჩნია ანთების საწინააღმდეგო და ბაქტერიციდული თვისებები. სალბი ეხმარება ზედა სასუნთქი გზების ანთებითი პროცესების სწრაფ ჩაქრობას და სპობს პათოგენურ მიკრობებს, ამის გარდა ათხელებს ნახველს და ხელს უწყობს მის სწრაფ გამოყოფას ქვედა სასუნთქი გზებიდან.

რეცეპტების დამზადება:

1. სალბის ნაყენი ხველების დროს. 1 ს.კ. სალბის გამხმარ ფოთლებს დაასხით 1 ჭიქა მდუღარე წყალი, დააყენეთ 15-20 წუთი და გაწურეთ. დაამატეთ 1 ჩ.კ. თაფლი და მიიღეთ 0,5 – 1 ჭიქა დღეში 2- 3-ჯერ.

2. სალბის ნაყენი რძით. მოამზადეთ სალბის ნაყენი ზემოაღნიშნული რეცეპტით, მხოლოდ მიღების წინ დაამატეთ თბილი რძე თანაშეფარდებით 1:1. მიიღეთ ასევე 0,5 – 1 ჭიქა დღეში 2- 3-ჯერ.

3. სავლები ხსნარი. 1 ს.კ. სალბის გამხმარ ფოთლებს დაასხით 1 ჭიქა მდუღარე წყალი, დააყენეთ 20-30 წუთი, გაწურეთ და დაასხით იგივე რაოდენობის წყალი. თბილი ნაყენით გამოივლეთ ყელი და პირის ღრუ 4-6-ჯერ დღეში.

4. სავლები ხსნარი თაფლით და ლიმონით. თუ ხველებისას ძლიერ გტკივათ ყელი ან ნუშისებრი ჯირკვლის ანთება გაქვთ, გამოიყენეთ ეს რეცეპტი: 1 ს.კ. სალბის გამხმარ ფოთლებს დაასხით 1 ჭიქა მდუღარე წყალი, დააყენეთ 15-20 წუთის განმავლობაში და გაწურეთ. დაამატეთ 1 ჩ.კ. თაფლი და ½ ს.კ. ლიმონის წვენი.

5. სალბის მიქსტურა ხანგრძლივი ხველებისთვის. 1 ს.კ. სალბის გამხმარ ფოთლებს დაასხით 1 ჭიქა რძე, დადგით ნელ ცეცხლზე, მიიყვანეთ დუღილამდე და გადმოდგით. დაამატეთ 1 ს.კ. ნაღების კარაქი ან ღორის მუცლის ქონი და დააყენეთ 10-15 წუთის განმავლობაში. შემდეგ გაწურეთ, დაამატეთ 1 ჩ.კ. თაფლი და მიიღეთ ძილის წინ.

სალბის ნაყენი არ არის რეკომენდებული ფეხმძიმე და მეძუძური ქალებისთვის, მათ შეუძლიათ გამოიყენონ მხოლოდ სალბის სავლები.

კესო ლაღიძე