მიუხედავად იმისა, რომ ყურის ინფექციების უმეტესობა უვნებელია, მკურნალობა აუცილებელია, ვინაიდან ზოგიერთ შემთხვევაში ავადმყოფობა პროგრესირდება და შეიძლება გადაიზარდოს სერიოზულ პრობლემაში. გთავაზობთ სახალხო მედიცინის რამდენიმე რეცეპტს, რომელიც დაგეხმარებათ ყურთან დაკავშირებული პრობლემების მოგვარებაში.

1. ყურის ტკივილის დროს ბამბაში ან პატარა დოლბანდში შეახვიეთ ხახვის ორი პატარა ნაჭერი და ჩაიდეთ ყურში, ტკივილი მალე გაგიყუჩდებათ.

2. სმენის გასაუმჯობესებლად 100 გ დინდგელი, 100 გ 96%-იანი სპირტი და 400 გ არარაფინირებული მცენარეული ზეთი აურიეთ ერთმანეთში. ყოველდღიურად დაასველეთ ბამბის ტამპონი ასეთი მიქსტურით და ჩაიდეთ ყურში 1 თვის განმავლობაში. მიქსტურა შეინახეთ ბნელ ადგილას.

3. ყურის ტკივილის დროს ეფექტურია კაკლის ზეთი. ნიგოზი გაატერათ ხორცსაკეპ მანქანაში და შემდეგ გამოწურეთ ზეთი 4 ფენად დაკეცილ მარლაში. ჩაიწვეთეთ ყურში 3-3 წვეთი 2-3-ჯერ დღეში გამოჯანმრთელებამდე.

4. ყურებში შუილის დროს აურიეთ ერთმანეთში ძმარი და წყალი თანაშეფარდებით 2:1 და დადგით ცეცხლზე. როცა გაცხელდება გადმოდგით და 5 წუთის განმავლობაში მიუშვირეთ ორთქლს მტკივნეული ყური. პროცედურის შემდეგ ეცადეთ ყური არ გაიციოთ.

კესო ლაღიძე