ტიბეტელი ბერები მარხვისას ძირითადად წიწიბურათი იკვებებიან. აღმოსავლეთში ქალებისთვის წიწიბურას დიეტა აუცილებელია, ის ხელს უწყობს არა მარტო გახდომას, არამედ ნებისმიერ კოსმეტიკურ საშუალებაზე უკეთ ამაგრებს თმას, ფრჩხილებს, კბილებს, კანს კი გლუვსა და ნაზს ხდის.

ერთ ჭიქა წიწიბურას საღამოს დაასხით მდუღარე, დილით კი მიირთვით. ოღონდ, მიღებულ ფაფას არ უნდა დაუმატოთ არც მარილი, არც შაქარი და კარაქი. დიეტის სრული კურსი მოიცავს ორ კვირას.

უფრო მეტი ხნით ამგვარი დიეტის დაცვა ძალიან რთულია, ამიტომ შეიძლება ის მაწვნის დიეტით ჩაანაცვლოთ. მთავარია, წიწიბურა და მაწონი არ შეურიოთ. წიწიბურასა და მაწვნის მირთმევას შორის, სულ მცირე, ორი საათი მაინც უნდა გავიდეს. წიწიბურას დიეტა შეიძლება სხვადასხვა ჩირით გაამრავალფეროვნოთ.

წიწიბურას მონოდიეტით შეიძლება განტვირთვის დღეც მოიწყოთ. წიწიბურას დიეტის დროს დღეში დაახლოებით ორი ლიტრი წყალი უნდა დალიოთ, შეგიძლიათ, წყლის ნაცვლად ასკილის ნაყენიც მიირთვათ.

კესო ლაღიძე