მიუხედავად ამისა, ცაციები, როგორც ჩანს, კარგად გრძნობენ თავს და დიდ წარმატებებსაც აღწევენ. მაგალითად, მსოფლიოს ორი უდიდესი გენიოსი - ლეონარდო და ვინჩი და მიქელანჯელო ცაციები იყვნენ. თუ ცაცია ხართ, ან იცნობთ ასეთებს, შეამჩნევდით, რომ მათ თითქმის ყველაფერთან შეგუება უწევთ. საქმე ის არის, რომ ადამიანთა 98% მემარჯვენეა, ამიტომაც, ბუნებრივია, ყველაფერი, დაწყებული კარის სახელურიდან, ტანსაცმლის ღილით დასრულებული, გათვლილია მემარჯვენე ადამიანებზე.

მიუხედავად ამისა, ცაციები, როგორც ჩანს, კარგად გრძნობენ თავს და დიდ წარმატებებსაც აღწევენ. მაგალითად, მსოფლიოს ორი უდიდესი გენიოსი - ლეონარდო და ვინჩი და მიქელანჯელო ცაციები იყვნენ.

ცაცია ბავშვების მშობლები ძალიან განიცდიან შვილების ''ნაკლს'', მაგრამ თანამედროვე მედიკოსები არაფრის გამოსწორების რეკომენდაციას არ იძლევიან.

უკეთ განვითარებული მარცხენა ხელი სულაც არ არის დეფექტი. არავითარ შემთხვევაში არ შეიძლება ბავშვის დასჯა, მით უმეტეს, ცემა იმისთვის, რომ მან მაინცდამაინც მარჯვენა ხელით დაწეროს.

დიდი ხნის განმავლობაში მარჯვენა ხელის განვითარების მიზეზად ვარჯიშს, ტრადიციებს მიიჩნევდნენ. ამიტომაც ეგონათ, რომ ცაციებს ყველაფერი რიგზე არ ჰქონდათ და ისინი ისე ვერ აკეთებდნენ საქმეს, როგორც სხვები.

დღეს დადგენილია, რომ ადამიანთა უმრავლესობა მემარჯვენეა იმიტომ, რომ მათი ტვინი განსაზღვრული მიმართულებით ფუნქციონირებს. ტვინის ერთი ნახევარი დომინირებს მეორე ნახევარზე. ტვინის მარცხენა ნახევარსფერო სხეულის მარჯვენა ნახევრის ფუნქციებს აკონტროლებს, ტვინის მარჯვენა ნახევარსფერო კი - სხეულის მარცხენა ნახევრის ფუნქციებს.

ადამიანთა უმრავლესობას სწორედ ტვინის მარცხენა ნახევარსფერო მეტად აქვს განვითარებული, ამიტომაც მათი სხეულის მარჯვენა ნახევარი უფრო დახვეწილი და კარგად განვითარებულია. მარჯვენა ხელითაც უკეთ ვმუშაობთ, ვიდრე მარცხენით.

ცაციების ტვინი საპირისპირო მიმართულებითაა განვითარებული. ტვინის მარჯვენა ნახევარსფერო დომინირებს, ამიტომაც ცაციები ისევე გამართულად იყენებენ მარცხენა ხელს, როგორც მემარჯვენეები - მარჯვენას და ეს პრობლემად არ უნდა აღიქვათ

ჟურნალი ''რეიტინგი''