როგორც კი ყავის სმას მოვრჩებით, ნალექს, ბუნებრივია, ვღვრით. არადა, ამის გაკეთება არ ღირს - ყავას საოცრებების მოხდენა შეუძლია. ყავის ნალექი ოჯახში ნამდვილი განძი ყოფილა. ეს ხერხები ამას ადასტურებს.

1. ცხიმიანი თმის რეცეპტი
თუ თქვენი თმა სწრაფად ხდება დასაბანი, თმაში ყავის ნალექი შეიზილეთ და დაიბანეთ. სიფაფუკეს და სისუფთავეს უფრო დიდხანს შეინარჩუნებს.
2. ტანის სკრაბი
ყავა ნებისმიერ ღრუბელზე უკეთ აცლის სხეულს კანის მკვდარ უჯრედებს.
3. სახის სკრაბი
ყავის სკრაბი სახეს კარგად წმენდს, თან შესანიშნავ გამაახალგაზრდავებელ მასაჟსაც აკეთებს.
4. არავითარი მუქი წრეები
თვალების გარშემო მუქი წრეები სწრაფად გაგიქრებათ, თუ ამ პრობლემურ უბანს ყავის ნალექით დაიზილავთ. კოფეინი დაღლილი კანის მატონიზირებელი საშუალებაა, აუმჯობესებს სისხლის მიმოქცევას.
5. ნიორი დამარცხებულია
სადილის მომზადების შემდეგ, ხელებზე ნივრისა და სხვა სანელებლების სუნი აღარ აგივათ, თუ მათზე ყავის ნალექს გადაივლებთ.
6. აქრობს უსიამოვნო სუნს
ფეხსაცმელებიდან უსიამოვნო სუნის გასაქრობად საკმარისია მათში ცოტა ხნით ყავის ნალექი მოათავსოთ, შემდეგ კი გადმოფერთხოთ.
7. აქრობს ნაკაწრებს
ყავით ამოავსეთ ავეჯზე ნაკაწრები. მათი კვალი შეუმჩნეველი გახდება.
8. ჰაერის გამწმენდი
ყავას ნებისმიერი უსიამოვნო სუნის შთანთქმა შეუძლია. გამოიყენეთ მისი ეს უნიკალური თვისება.
9. ტაფებისა და ქვაბების სახეხი
დაფქვული ყავა გამოიყენეთ, როგორც ჭურჭლის სახეხი საშუალება.

განაგრძეთ კითხვა: