დადგენილია, რომ ზოგიერთი პროდუქტის კომბინირებისას ვიტამინები და მინერალები ჩვენი ორგანიზმის მიერ უკეთესად შეითვისება.
გთავაზობთ იდეალური წყვილი პროდუქტების ნიმუშებს:



სტაფილო - ზეითუნის ზეთი

თუ გახეხილ სტაფილოს ცოტა ზეითუნის ზეთს მოასხამთ, ორგანიზმი A ვიტამინს
(თვალებისა და კანისთვის აუცილებელია) უკეთესად შეითვისებს.


მწვანე ჩაი -  ლიმონი
მწვანე ჩაი მდიდარია კატეხინებით, რომლებიც მრავალი მძიმე, მათ შორის ონკოლოგიური დაავადებებისგან გვიცავს. დამტკიცებულია: ლიმონის წვენთან შერწყმისას კატეხინების დადებითი ეფექტი მნიშვნელოვნად ძლიერდება.



იოგურტი - ვაშლი
სალათების შესაკაზმად გამოიყენეთ პრობიოტიკებით მდიდარი ნატურალური იოგურტი. ხილსა და ბოსტნეულთან ერთად პრობიოტიკები ნაწლავების მიკროფლორაზე გამაჯანსაღებლად მოქმედებენ, საჭმლის მონელებას აწესრიგებენ, ზედმეტის გამოდევნას ეხმარებიან.


სიმინდი - პარკოსნები
მნიშვნელოვანი ამინომჟავები ტრიპტოფანი და ლიზინი, რომლითაც მდიდარია სიმინდი, ხელს უწყობს სეროტონინის „ბედნიერების ჰორმონის“ წარმოქმნას. ისინი უკეთესად შეითვისება ნახშირწყლებთან ერთად, რომლითაც მდიდარია პარკოსნები.



კომბოსტო - პომიდორი
კომბოსტო ყველა თავის სასარგებლო თვისებას ამჟღავნებს მხოლოდ მაშინ, როდესაც პომიდორთან ერთად ამზადებენ.



შემწვარი ხორცი - ისპანახი
შემწვარ ხორცს დამატებული ულუფა ისპანახი ხორცის შეწვის დროს გამოყოფილი კანცეროგენული ნივთიერებების (ჰეტეროციკლური ამინების) რაოდენობას ამცირებს. ისპანახი რკინის შემცველობის მხრივ ბოსტნეულს შორის პირველ ადგილზეა.