თუ ტკივილმა შეგაწუხათ, სანამ აფთიაქს მიმართავდეთ კარგი იქნება, თუ სამზარეულოში მიმოიხედავთ და ბუნებრივ საშუალებებს ცდით. მათ ხშირად უფრო კარგი შედეგი აქვთ, რაც მთავარია, ხშირად შინაური საშუალებები უფრო გემრიელიცაა.

კურკუმა
ეს აღმოსავლეთინდური სანელებელი ბოლო დროს სულ უფრო პოპულარული ხდება. კურკუმა სამჯერ უფრო ეფექტურად ხსნის ტკივილს, ვიდრე ასპირინი, იბუპროფენი ან ნაპროქსენი. გარდა ამისა, ის 50%-ით ხსნის ტკივილს ართრიტისა და ფიბრომიალგიის შემთხვევაში.

რეკომენდებული დოზა გახლავთ ¼ ჩაის კოვზი კურკუმა დღეში - დაუმატეთ ნებისმიერ კერძს.

მოცვი შარდის ბუშტის დაავადებებისთვის
ამერიკელმა მეცნიერებმა დაადგინეს, რომ ყოველდღიურად ერთი ფინჯანი მთის მოცვის ჭამა 60%-ით ამცირებს შარდგამომყოფი გზების ინფექციური დაავადებების რისკს.

მსუბუქი კუჭის წვა (ძმარვა)
ერთ ჭიქა წყალში გახსენით ერთი სადილის კოვზი ვაშლის ძმარი და ჭამის წინ დალიეთ - კუჭის წვით გამოწვეული ტკივილი 24 საათის განმავლობაში არ შეგაწუხებთ.

ყავა შაკიკის დროს
კოფეინი ხელს უწყობს ტკივილგამაყუჩებლების უკეთ და უფრო სწრაფად შეთვისებას, ამიტომაც წამლის ეფექტურობა შეგიძლიათ ერთი ფინჯანი მაგარი ყავის დახმარებ უფრო გააძლიეროთ.

ფეხის კრუნჩხვები
ფეხის კრუნჩხვები ყველაზე ხშირად ხშირად კალიუმის ნაკლებობის შედეგია. ამიტომაც სასურველია 10 დღის განმავლობაში დღეში 300 მილილიტრი ტომატის წვენი დალიოთ. ტომატის წვენი მდიდარია კალიუმით.