ხშირად დიეტაზე მყოფები ვერ უმკლავდებიან ძილის წინ ჭამის ცდუნებას. ამ პრობლემის მოგვარება მარტივად შეიძლება. არსებობს პროდუქტი, რომელიც შეგიძლიათ დაძინებამდე მიირთვათ და არ გასუქდეთ:

უცხიმო რძის პროდუქტი: ხაჭო, იოგურტი, შეგიძლიათ ერთი ნაჭერი ცხიმიანი ყველი შეჭამოთ, ოღონდ მხოლოდ ერთი ნაჭერი!

რძის პროდუქტი შეიცავს ნივთიერებებს, რომლებიც ხელს უწყობს ამინმჟავების ათვისებას და ამშვიდებს ნერვულ სისტემას.

ცხიმიანი თევზი: აირჩიეთ სკუმბრია ან სარდინი, ოღონდ შებოლილი და მარინადი არ უნდა იყოს. მათში შემავალი ცხიმმჟავები ახანგრძლივებს ნაყროვანების შეგრძნებას და დაძინების წინ შიმშილის გრძნობა აღარ შეგაწუხებთ.

კვერცხი: უცხიმო რძით მოამზადეთ ომლეტი, შეგიძლიათ სალათის ფურცლებიც დაუმატოთ. ამგვარი საკვების გადასამუშავებლად ორგანიზმი მიღებულ კალორიებზე გაცილებით მეტ კალორიას დახარჯავს.

თხილეული: შეგიძლიათ მიირთვათ ნებისმიერი თხილეული: კაკალი, არაქისი, თხილი... ქოქოსიც კი. მათში უხვადაა B ვიტამინი, რომელიც ამშვიდებს ნერვულ სისტემას.

ბურღულეული: წიწიბურა, ბრინჯი, კინოა - ამ ბურღულეულს იგივე თვისებები აქვს, რაც თხილეულს, მაგრამ მათი დახმარებით საშუალება გეძლევათ, ძილის წინ ცხელი კერძი მიირთვათ.

ხილიდან შეგიძლიათ მშვიდად მიირთვათ ბანანი და ანანასი.

მომზადებულია passion.ru-ს მიხედვით