ამ დაავადებებით მსოფლიოში ათასობით ქალი იტანჯება. ნატურალური რეცეპტები დაგეხმარებათ წარმატებით გაუმკლავდეთ ამ პრობლემას.

გთავაზობთ წვენის მომზადების რეცეპტს, რომელიც დაგეხმარებათ კისტისა და მიომისგან განთავისუფლებაში.
შემადგენლობა:

1. 250 გრ ნატურალური თაფლი
2. 1 ლ ჭარხლის წვენი (სასურველი არ არის ახლადგამოწურული წვენი. უმჯობესია ის მაცივარში რამდენიმე საათს გააჩეროთ და თუ ქაფი გაიკეთა, მოაშორეთ)

როგორ მოამზადოთ

ინგრედიენტები ბლენდერში მოათავსეთ და კარგად აურიეთ, ვიდრე ერთგვაროვან ნარევს არ მიიღებთ.

გამოყენების წესი:

ყოველი ჭამის შემდეგ მიიღეთ 100 მლ მზა წვენი. უფრო ზუსტად რომ ვთქვათ, საუზმის შემდეგ დალიეთ 1 ჭიქა წვენი, დანარჩენი კი სადილის და ვახშმის შემდგომ.

საშვილოსნოს მიომასგან გამწმენდი კიდევ ერთი მეთოდი

მოამზადეთ შემდეგი ნაყენი:
გამწმენდი ბალახის ერთ ნაწილს დაასხით 40%-იანი არაყი 10 ნაწილად. შეინახეთ 2 კვირით ბნელ ადგილას, დროდადრო გამოიღეთ და შეანჯღრიეთ. შემდეგ გაფილტრეთ და მიიღეთ სქემის მიხედვით:

დღე პირველი - 100 მლ ანადუღარ წყალს დაუმატეთ 1 წვეთი ნაყენი.

მეორე დღე - იმავე რაოდენობის წყალს დაუმატეთ 2 წვეთი ნაყენი.

შემდგომ ყოველდღე თითო წვეთით მეტი დაუმატეთ და მიიყვანეთ 15 წვეთამდე.

მეთექვსმეტე დღე - 15 წვეთი.

მეჩვიდმეტე დღეს - 14 წვეთი, და ასე ყოვედღე აკლებთ თითო წვეთს და ჩამოდიხართ 1 წვეთამდე.
კურსისთვის დაგჭირდებათ სულ 30 დღე. შემდგომ 60 დღეს კი შეისვენეთ.

აუცილებლობის შემთხვევაში კურსი გაიმეორეთ. თუ მკურნალობას ადრეულ სტადიაზე დაიწყებთ, შესაძლოა ერთი კურსი საკმარისი აღმოჩნდეს.

აღსანიშნავია, რომ ხალხური სამკურნალო მეთოდების გამოყენებამდე, აუცილებლად უნდა გაიაროთ ექიმთან კონსულტაცია და ყველა პროცედურა მხოლოდ მისი მეთვალყურეობის ქვეშ შეასრულოთ.

ანა გარელი