მარწყვს უძველესი დროიდან იყენებდნენ ქალბატონები სახისა და ტანის კანის მოსავლელად. ეს უგემრიელესი კენკრა შეიცავს ნივთიერებებს, რომლებსაც მათეთრებელი და ანთების საწინააღმდეგო თვისებები აქვს. ის ადვილად აშორებს ჭორფლსა და პიგმენტურ ლაქებს, აქრობს ანთებას გამონაყარის დროს.

ძველი რომაელები მარწყვის წვენსა და რბილობს პირის ღრუს უსიამოვნო სუნის სამკურნალოდ და კბილების გასათეთრებლად იყენებდნენ.

მათეთრებელი ნიღაბი

3 მოზრდილი მარწყვი ფაიფურის ჭურჭელში გაქენით და წაისვით გასუფთავებულ სახესა და დეკოლტეს არეზე. გაიჩერეთ 5-8 წუთით. შემდეგ ჩვეულებრივ ჩამოიბანეთ და დამატენიანებელი კრემი წაისვით.

მკვებავი ნიღაბი

მოდუნებული კანისთვის

2 საშუალო ზომის მარწყვი ფაიფურის ჭურჭელში გაქენით, დაუმატეთ 1 ჩაის კოვზი თაფლი (ცხიმიანი და ნორმალური კანისთვის) ან ნაღები (მშრალი კანისთვის). წაისვით გასუფთავებულ სახესა და დეკოლტეს არეზე. გაიჩერეთ 10 წუთით და ცივი წყლით ჩამოიბანეთ.

ფორების გასასუფთავებლად

აურიეთ ერთმანეთში 2-3 მარწყვის წვენი და 2 ჩაის კოვზი კოსმეტიკური თიხა. წაისვით წაისვით გასუფთავებულ სახეზე, განსაკუთერებული ყურადღება მიაქციეთ T ზონას. გაიჩერეთ 10 წუთით და თბილი წყლით ჩამოიბანეთ. წაისვით დამატენიანებელი კრემი.

სოფიო ბულაური