ლაიმა ძალიან ჰგავს ლიმონს, ისიც ციტრუსია და იგივე თვისებები აქვს. მისი სამშობლო ინდოეთია, თუმცა დღეს ლაიმა მთელ მსოფლიოშია გავრცელებული.

ისევე როგორც ლიმონს, ლაიმასაც ფართო სამკურნალო შესაძლებლობები აქვს.

მაგალითად:

იცავს რევმატოიდული ართრიტისგან

ლაიმა შეიცავს ფლავონოიდებს, რომლებსაც ანტიოქსიდანტური და ანტიბიოტიკური თვისებები აქვთ. გარდა ამისა, ის მდიდარია C ვიტამინით - ერთ-ერთი ძირითადი ანტიოქსიდანტით, რომელიც ებრძვის თავისუფალ რადიკალებს.

ლაიმა მნიშვნელოვნად ამცირებს ოსტეოართრიტისა და რევმატოიდული ართრიტის სიმპტომებს. ასე რომ, რაც შეიძლება ხშირად მიირთვით ეს ციტრუსი.

იცავს გაციებისგან

C ვიტამინის წყალობით, ლაიმა, ისევე როგორ ლიმონი, დაგიცავთ გაციებისა და მისი სიმპტომებისგან. C ვიტამინი 50%-ით ამცირებს გაციების რისკს.

აუმჯობესებს საჭმლის მომნელებელი სისტემის მუშაობას

C ვიტამინის გარდა, ლაიმა მდიდარია უჯრედისით, რაც აუმჯობესებს ნივთიერებათა ცვლას, საჭმლის მონელებისა და საკვები ნივთიერებების უკეთ შეთვისების პროცესს. რაც აღადგენს ჯანმრთელობას და ხელს უწყობს ზედმეტი წონის დაკარგვას.

სოფიო ბულაური