ჯორჯიის უნივერსიტეტის მეცნიერების მიერ ჩატარებულმა ახალმა კვლევამ აჩვენა: კიბეზე 10 წუთიანი ასვლა-ჩამოსვლა მეტ ძალას გმატებთ, ვიდრე ყავა - წერს The Daily Mail.

კვლევაში მონაწილეობა მიიღეს სტუდენტებმა, რომლებსაც ქრონიკული უძილობა სტანჯავდათ. მათ დღის განმავლობაში 6,5 სთ-ზე ნაკლები ეძინათ.

მონაწილეები სხვადასხვა დღეს იღებდნენ კოფეინის შემცველ აბებს ან პლაცებოს, ან კიბეზე ნელა მოძრაობდნენ 10 წუთის განმავლობაში. ქალები დაახლოებით 30 სართულზე ადიოდნენ.

გასეირნების შემდეგ მონაწილეები თავს ბევრად უკეთ გრძნობდნენ, ვიდრე კოფეინის შემცველი კაპსულების მიღების შემდგომ.

ფიზიკური ვარჯიში და კოფეინი მეხსიერებასა და ყურადღების კონცენტრაციაზე გავლენას პრაქტიკულად არ ახდენდნენ.

მეცნიერების თქმით კი კიბეზე ასვლა სამუშაო მოტივაციას ამაღლებს.

ანა გარელი