თნამედროვე სამყაროში მარხვა არა მარტო რელიგიური ქმედებაა, არამედ დეტოქსიკაციის კარგი საშუალებაც. დღეს მარხვის დაცვა ძალიან ადვილია, რესტორნებშიც კი აქვთ სპეციალური სამარხვო მენიუ. სამარხვო კერძები ძირითადად ნაკლებკალორიულია და დადებითად მოქმედებს როგორც ადამიანის წონაზე, ისე ჯანმრთელობაზე.

სპეციალისტებმა გამოიკვლიეს განტვირთვის დღეების გავლენა ჯანმრთელობაზე. აღმოჩნდა, რომ განტვირთვის დღეები მნიშვნელოვნად ამცირებს პარკინსონისა და ალჰაიმერის დაავედებების რისკს. საქმე ის გახლავთ, რომ კალორიების შემცირებისას უჯრედები ნაკლებად ზიანდება და შესაბამისად, უფრო ადვილად უმკლავდება სტრესს.

მარხვის დაცვა და განტვირთვის დღეების მოწყობა განსაკუთრებით სასარგებლოა ასაკოვანი ადამიანებისთვის. ეს არა მარტო შეამცირებს ტვინის დაავადებების განვითარების რისკს, არამედ დაიცავს მათ დიაბეტის, გულისა და კიბოს დაავადებებისგან.

სპეციალისტები ირწმუნებიან, რომ დიეტის საშუალებით უკვე არსებული დაავადებების უკუქცევაც კი შეიძლება. თუმცა ამგვარი ფაქტი ჯერ მხოლოდ მღრღნელებზე დადასტურდა, სამაგიეროდ, ადამიანებზე ჩატარებულმა ცდებმა დაადასტურა, რომ ასთმით დაავადებულებში დიეტა 90%-ით ამცირებს დაავადების გამწვავების რისკს.

სოფიო ბულაური