ევკალიპტის სასარგებლო თვისებები ფართოდაა ცნობილი. დიდი ხანია მას სხვადასხვა დაავადების სამკურნალოდ იყენებენ. ევკალიპტის ფოთლები დიდი რაოდენობით შეიცავს ეთეროვან ზეთს, ორგანულ მჟავებს, მთრიმლავ ნივთიერებებს... ევკალიპტის ფოთლის ნაყენი იხმარება ზედა სასუნთქი გზების ანთებითი პროცესების, ბრონქიტის დროს.

ნაყენის დასამზადებლად 10 გრამ ევკალიპტის დაქუცმაცებულ ფოთლებს, დაასხით ერთი ჭიქა მდუღარე წყალი და წამოადუღეთ; გადმოდგით ცეცხლიდან, ნახევარი საათი დააცადეთ და შემდეგ გადაწურეთ.

თუ ყელი გტკივათ, შეგიძლიათ ნაყენი დღეში 2-3-ჯერ გამოივლოთ ან გაიკეთოთ ინჰალაცია. ამისათვის საკმარისია ნაყენის 15-20 წვეთი ერთ ჭიქა ცხელ წყალში გააზავოთ.

ევკალიპტის სპირტიან ნაყენს სვამენ ბრონქიტის დროს. 10-15 წვეთი ჩაასხით მეოთხედ ჭიქა ადუღებულ წყალში და დალიეთ ჭამამდე დღეში 2-ჯერ.

სოფიო ბულაური