ხალხურ მედიცინაში ბევრი მარტივი რჩევა არსებობს ამა თუ იმ დაავადების სამკურნალოდ და პროფილაქტიკისთვის. მათი გათვალისწინება ძალიან დაგეხმარებათ ჯანმრთელობის შენარჩუნებაში.

ამჯერად შემოგთავაზებთ მარტივ რჩევებს კუჭისა და თორმეტგოჯა ნაწლავის წყლულის სამკურნალოდ.

კუჭისა და თორმეტგოჯა ნაწლავის წყლულის დროს თვე-ნახევრის განმავლობაში მიიღეთ ფიჭვის თხელი ფისი. დაიწყეთ ერთი გრამი ფისით, მეორე კვირის ბოლოს რაოდენობა 1-დან 5 გრამამდე გაზარდეთ და გააგრძელეთ მკურნალობა. დალიეთ მხოლოდ თბილი წყალი.

კუჭის წყლულის დროს სასარგებლოა უმი კარტოფილის წვენი _ დალიეთ დღეში სამჯერ ჭამიდან ერთი საათის შემდეგ. არავითარ შემთხვევაში არ გამოიყენოთ გამწვანებული კარტოფილი.

კუწის წყლულის სამკურნალოდ კარგია არყის ხის კვირტებიც: 50 გრამ არყის ხის კვირტებს დაასხით ნახევარი ლიტრი სპირტი, სამი კვირის განმავლობაში გააჩერეთ ბნელ ადგილას, პერიოდულად შეანჯღრიეთ, შემდეგ გადაწურეთ და მიიღეთ 20 წვეთი სამჯერ დღეში, ჭამამდე 15-20 წუთით ადრე.

კუჭისა და თორმეტგოჯა ნაწლავის წყლულის დროს შეგიძლიათ დალიოთ შავი მოცხარის წვენი _ დალიეთ 50 მილილიტრი სამჯერ დღეში, ჭამამდე.

სოფიო ბულაური