მისი საიდუმლო მხოლოდ დედამისმა იცოდა ერთმა მეზობელმა მაინც რომ წაიკითხოს ეს ისტორია, მაშინვე მიხვდება, რომ ჩემი დაწერილია, მაგრამ მინდა, ამ გზით მაინც დავეხმარო თუნდაც ერთ ადამიანს და იმ სატანჯველისგან გავათავისუფლო, რასაც მე ამდენი წელია განვიცდი.

ლუიზაზე, შეიძლება ითქვას, საკუთარმა რძალმა ძალით დამაქორწინა. გამიგია, პირველი რძალი ოცნებობს, რომ მეორე მასზე შეუხედავი იყოსო და ალბათ ამ პრინციპით გამირიგა შეუხედავი ქალი.

ლუიზას რამდენიმეჯერ შევხვდი, მაგრამ გული არ მიმდიოდა, თან დაბალი, მსუქანი და უცნაური აგებულების ჩანდა. ერთ თვეში დავქორწინდით და მაპატიეთ და პირველ ღამეს საკუთარი მეუღლის მკერდის ზომა რომ დავინახე, ოთახიდან გამოვიქეცი. შიშველი, დიდი მკერდი მუცლამდე ჰქონდა ჩამოკიდებული.

იმ ღამეს მთელმა ოჯახმა გაიგო რა მოხდა. ლუიზამ ტირილი დაიწყო, თურმე 16 წლიდან აკრული მკერდით დადიოდა და მისი საიდუმლო მხოლოდ დედამისმა იცოდა. დედაჩემს შეეცოდა და უკან აღარ გააბრუნა.

მე კი ერთი თვე საკუთარ ცოლს არ ვეკარებოდი. მას შემდეგ 15 წელი გავიდა. ორი გოგონა გვყავს. ლუიზა მკერდს აღარ იკრავს და იმ დღეს გავიგე, თურმე დიდი ხანია მეზობლები ძუძუებიანთ კაკოს მეძახიან.

ჟურნალი ''რეიტინგი''