მითხრა, რომ მიუხედავად იმისა, რომ სამი თვეა ქმართან ერთად სძინავს, მათ შორის არაფერი ყოფილა ჩემი ერთადერთი გოგონა, თიკო, სამი თვის წინ გავათხოვე. სიძე ცუდი ბიჭი არ ჩანდა, ერთადერთ ეჭვს ის მიჩენდა, ყველამხრივ აწყობილ და უნაკლო ბიჭს, 35 წლამდე დაოჯახება რატომ გაუჭირდა.

ჩემი გოგონა 26 წლის არის. მართალია, სიყვარულით გათხოვდა, მაგრამ მომავალი სიძე ქორწილამდე სულ ჩაფიქრებული ჩანდა. თიკო მეუბნებოდა, ასეთი მორიდებული და სერიოზულია, დედა, რა ვქნა, მეც ასეთი ბიჭები მომწონსო.

თიკუნას პირველი ცვლილება გათხოვებიდან ერთ თვეში შევამჩნიე. თვალები ტირილისგან ჩასწითლებოდა და ძალიან უბედური ჩანდა. მიზეზი რომ ვკითხე, სიტყვა ბანზე ამიგდო. ამ დღის მერე ჩემთან შეხვედრას გაურბოდა.

სტუმრადაც იშვიათად მოდიოდა. სიძე კი ქორწილის მერე სულ რაღაც სამჯერ ვნახე. ერთ საღამოს თიკუნა ტირილით მომადგა. მითხრა, რომ მიუხედავად იმისა, რომ სამი თვეა ქმართან ერთად სძინავს, მათ შორის არაფერი ყოფილა.

სამწუხაროდ, ჩემი სიძე იმპოტენტი აღმოჩნდა და ჩემს საბრალო გოგონას მთელი ამ ხნის განმავლობაში აწვალებდა, რომ როგორღაც დაუფლებოდა. საბედნიეროდ, თიკუნამ ყველაფერი იმაზე მარტივად გადაიტანა, ვიდრე მეგონა.

ისეთი ბედნიერი იყო სახლში დაბრუნებით, რომ ორ კვირაში ყველაფერი წარსულს მიაბარა. მე კი მდგომარეობიდან ვერ გამოვედი, იმის წარმოდგენაც არ მინდა, ჩემს დედისერთა გოგონას იმპოტენტი ქმარი რა დღეში აგდებდა.

ჟურნალი ''რეიტინგი''