მოკლედ, ამ ჩვენს მეზობელ რიტას ერთი უცნაური ჩვეულება აქვს _ ვერაფრით ვერ იტანს ჩასაცმელს. მისი ნება რომ იყოს, სადმე ნუდისტურ პლაჟზე გაშლიდა კარავს და იქ იცხოვრებდა. გარეთ რომ გამოდის, გულამოღებული ბლუზები, მინიქვედაბოლოები ან ისეთი გამჭვირვალე კაბები აცვია, ლანდი გადის და პრაქტიკულად, შიშველია.
ერთხელ ვიღაცისთვის უთქვამს, ბავშვობიდან ასე ვარ, ვერ ვიტან, რაღაც რომ
ქმარ-შვილი ჰყავს. ქმარი ცოტა წაილენჩებს და მგონი დიდად არც აღელვებს, მის ცოლს აცვია თუ არ აცვია, ეჭვი მაქვს, ვერც ხედავს, ისეთი გაშტერებული თვალებით დადის. სადღაც მუშაობს გვიანობამდე და შინ ისეთი დაქანცული ბრუნდება, მეზობლებს ვერ გვცნობს.
ბიჭები უკვე წამოიზარდნენ და ახლა იმდენს ვერ ბედავს, მაგრამ მანამდე მარტო ტრუსებით დადიოდა. ალბათ ამიტომაცაა, ერთ-ერთი შვილი ცოტა გადახრილი ჰყავს და მეზობლები ამბობენ, დედამისმა გადარია უბედური, ბავშვობიდან მიეჩვია შიშველი ქალის ყურებას და რეაქცია აღარ აქვს ქალზეო.
როცა შინ მარტოა, თურმე მთლიანად შიშველია. კარს კეტავს და ''გრიალს'' იწყებს. რამდენჯერმე ფარდები გადაწეული ''დარჩა'' და მეზობლის კაცებმა კარგად იხეირეს მის ფანჯრებში ყურებით. ლამაზი მაინც იყოს! ჩვეულებრივი ქალია, საშუალო სიმაღლის, საშუალო სისქის, საშუალო გარეგნობის, მოკლედ, ყველაფერი საშუალო აქვს, ამ უცნაური გატაცების გარდა. ჰოდა, ახლა გავიგეთ, რომ ერთ-ერთ ბიჭს ცოლი მოჰყავს.
მთელი სამეზობლო იმ საკითხით არის შეპყრობილი, რა შეიცვლება _ დედამთილს მოერიდება მისი და თვითონ ჩაიცვამს თუ პირიქით, დედამთილის სასიკეთოდ დამთავრდება ყველაფერი და რძალიც გახდილი ივლის? აი, მაშინ ნახეთ ჩვენი მეზობლის კაცების გადარევა.
მკითხველის ისტორია
