რძალ-დედამთილის ურთიერთობა ბევრი ქალისთვის დიდი გამოწვევაა და ხშირად მათ შორის გადაულახავი კონფლიქტია. თუმცა როგორც ფსიქოლოგები ამბობენ, სულაც არაა ძნელი დედამთილთან იდეალური ურთიერთობა გქონდეთ, სულ მცირე მონდომებაა საჭირო.

სპეციალისტებს რძლებისთვის 10 რჩევა აქვთ და ამბობენ, რომ ამ რჩევების გათვალისწინების შემთხვევაში, დედამთილთან ურთიერთობას მოაგვარებთ.

1. მაშინაც კი, თუ ის არ მოგწონთ, მოიქეცით ისე, თითქოს მოგწონთ. ყოველთვის შეახსენეთ თქვენს თავს, რომ ის თქვენი ქმრის ცხოვრებაში უმნიშვნელოვანესი ადამიანია.

2. მასთან ურთიერთობის დროს იყავით თავაზიანები, მაშინაც კი, თუ თქვენთან დაკავშირებით რაიმე ნეგატიურს ამბობს. ეს შეიძლება ცოტა რთულია, მაგრამ თუ აჰყვებით და ჩხუბს გამართავთ, არ იქნება საუკეთესო გადაწყვეტილება. თავშეკავებულობა კი დადებითად იმოქმედებს და დიდი ალბათობით, შემდეგ ჯერზე თვითონაც თავაზიანად მოიქცევა.

3. გაუკეთეთ ხოლმე საჩუქრები. ამით აგრძნობინებთ, რომ მასზე ფიქრობთ და ზრუნავთ. ეს ერთ-ერთი საუკეთესო მეთოდია დედამთილთან კარგი ურთიერთობის ასაწყობად.

4. თუ ცუდ ხასიათზეა, ეცადეთ, რომ დაეხმაროთ გუნების გამოსწორებაში, იხუმრეთ შესაბამისად.

5.  ხშირად უთხარით კომპლიმენტები და აუცილებლად აღნიშნეთ , როცა კარგად გამოიყურება, შეაქეთ, როცა რაიმეს კარგად გააკეთებს. ეს დედამთილებს ძალიან ახარებთ და რძლების მიმართ დადებითად განაწყობთ.

6. უთხარით ხოლმე რა ბედნიერი ხართ იმით, რომ ცხოვრება მის შვილს დაუკავშირეთ, აღნიშნეთ, თუ რა კარგად აღზარდა შვილი. ქალს არაფერი სიამოვნებს იმაზე მეტად, ვიდრე მომენტი, როცა შვილის აღზრდის გამო აქებენ.

7. გაანდეთ ხოლმე საიდუმლოები, დაუმეგობრდით, დალიეთ ერთად ყავა, იარეთ ერთად საყიდლებზე, კაფეებში. შედეგად, ის სანდო და საიმედო ადამიანად მიგიჩნევთ და ძალიან შეგიყვარებთ.

8. მისი თანდასწრებით ქმარზე ცუდი არაფერი თქვათ, წინააღმდეგ შემთხვევაში, დედამთილის გულს ვერასდროს მოიგებთ.

9. თუ რაიმე გაუგებრობაა თქვენს შორის, აუცილებლად მიდით და გულწრფელად დაელაპარაკეთ. სჯობს, მალე გაარკვიოთ ყველაფერი და ნათელი მოჰფინოთ სიმართლეს.

10. ხშირად დაურეკეთ, ჰკითხეთ, როგორ არის, რამე ხომ არ სჭირდება. ეს არც ისე რთული საქმეა, რეალურად კი,  იდეალური ურთიერთობის ჩამოყალიბებაში დაგეხმარებათ.