თავიდან ყველაფერი კარგად მიდიოდა. იმდენად კარგად, რომ ლამის ყოველ საღამოს მათთან ვიყავი. ოღონდ არ გეგონოთ, რომ ვაწუხებდი, ცოლი მეძახდა, მარტო დარჩენის ეშინოდა და როგორც კი ქმარი დაბრუნდებოდა, სახლში მოვდიოდი.
ერთხელ
იმ ღამეს ამ გოგოს დარდმა არ დამაძინა, უკვე შვილივით მიყვარდა. მეორე დღეს დალურჯებული გვერდები და ფეხები მაჩვენა, ღამე სერგოს ცემაც არ დაუკლია.
ერთი კვირის შემდეგ შუაღამეს განწირულმა კივილმა გამაღვიძა. მაშინვე ვიცანი ეკას ხმა და ხალათმოსხმული გავიქეცი. გასაღები ბალიშის ქვეშ მქონდა და თან გავიყოლე. სახლში რომ შევედი საშინელი სცენა დამხვდა.
პირდაპირ გეტყვით, სერგო ეკაზე ძალადობდა. რომ დამინახა, გაგიჟებულმა დამიყვირა არ მომეკარო, თორემ ეკას მოვკლავო. ხელში დანა ეკავა. არ ვიცი, როგორ გავძელი იმ ოთახში რამდენიმე წუთი, მაგრამ ფაქტია, კაცმა ჟინი რომ დაიცხრო, ეკას თავი დაანება. გოგონა იმ ღამეს ჩემთან წამოვიყვანე. მეორე დღეს კი მშობლებმა წაიყვანეს.
იმ ღამის შემდეგ სერგო აღარ გამოჩენილა. სახლი დაკეტილია, მაგრამ გული ცუდს მიგრძნობს, მგონია, რომ აუცილებლად იძიებს შურს.
ჟურნალი „რეიტინგი“
