„დღემდე ვერ ვხვდები, 8 აგვისტო რატომ ჰგონიათ ომის დაწყების თარიღი.
ომი 7 აგვისტოს დაიწყო!
წინა პერიოდიც ომი იყო პრაქტიკულად, მაისიდან დაწყებული, მუდმივი ექსცესებით…
ისევ ის შფოთვა მეწყება ამ დროს, რაც 10 წლის წინ და ყოველ წელს ამ დროს თავიდან მიტევს ყველაფერი((
ბევრია მოსაყოლი, მაგრამ რამდენიმე დღის წინ „იმედზე“ სიუჟეტს ვუყურებდი და გუშინდელი
28 წლის მაკა მესროფაშვილი მუცელგადახსნილი რომ მივიღე, მაშინ არც ვიცოდი, თუ 7 თვის ორსული იყო…
მისი შვილი, 7 წლის დიტო რაზმაძე, ნამსხვრევებით იყო დაჭრილი, ყურებიდან არ ამომდის მისი ხმა, დედას ყვიროდა ისტერიულად. მაკა რამდენიმე საათში, რეანიმაციაში გარდაიცვალა. ნაყოფიც მკვდარი იყო. მისი ქმარი დაბომბვისას ადგილზევე გარდაიცვალა. როგორც გვითხრეს, დიტო გარაჟში დამალა და მაკას გამოყვანას ცდილობდა კორპუსის ბინიდან, რომლის კარიც ბიძგებისგან ჩაიკეტა, რა დროსაც ისევ დაბომბვა დაიწყო.
ასეთი ბევრი ისტორია იყო და სულ მემახსოვრება
მხოლოდ ამ ერთი ოჯახის ტრაგედიაც რომ ავიღოთ, ჭეშმარიტ ომს დავინახავთ, უსუსური რომ ხარ ადამიანი და სიკვდილს უყურებ თვალებში. ეს შეგრძნება ახლაც საშინლად მახსენდება.
ევაკუაციის დღეა ამ ფოტოზე, 11.08.2008., ბოლო ფოტო, ჯერ კიდევ არ ვიცოდით, რა გველოდა. მხოლოდ ის ვიცოდით, გორში შემოდიან უკვეო… წარმოდგენილი მქონდა, რომ მოვიდოდნენ და დაგვხვრეტდნენ."
