11 იანვარი, 2018
საჭმელზე მეტად სექსი მიყვარს - მეორე მსოფლიო ომის ბოლოს დაწყებული კარიერა დღემდე გრძელდება
თავისი კარიერა მან მეორე მსოფლიო ომის ბოლოს დაიწყო. მაშინ ის 15 წლის იყო. მას შემდეგ მხოლოდ ამით ცხოვრობს. პენსია? დიახ, ასაკის მიხედვით დიდი ხანია ეკუთვნის და სახელმწიფო, როგორც წესია, უხდის კიდეც „რაღაც თანხას“, ოღონდ რამდენს, არ ახსოვს, რადგან დღემდე საკუთარი შრომით ირჩენს თავს და გაცილებით მეტს გამოიმუშავებს, ვიდრე სახელმწიფო ურიცხავს საპენსიო წიგნაკზე.

როცა სამოდელო სამყაროში ფეხი შედგა, კარმენ დელ ორეფაისი 15 წლის იყო, მეორე მსოფლიო ომი დასასრულს უახლოვდებოდა. ჯერ კიდევ 80 წლის იუბილესთან დაკავშირებით ერთ-ერთ
გამოცემას გულახდილად ესაუბრა, როგორ ინარჩუნებს არაჩვეულებრივ გარეგნობას, მიუხედავად იმისა, რომ ძალიან უყვარს ჭამა, თუმცა, ისიც აღიარა, რომ საჭმელზე მეტად სექსი უყვარს და ამ ასაკშიც არ ამბობს მასზე უარს.

„ალბათ, იმიტომ, რომ ჩემს ძარღვებში ცხელი, სამხრეთული სისხლი ჩქეფს“, - იცინის კარმენი. მამამისი იტალიელი იყო, დედა - უნგრელი.

„საერთოდ, დღემდე სრულფასოვანი სექსუალური ცხოვრებით ვცხოვრობ. ვიცი, როგორ უნდა მოვიგო მამაკაცის გული. რომანტიკული სიყვარული? მხოლოდ ეს ჩემთვის ცოტაა, მე ბობოქარ ცხოვრებას ვარ მიჩვეული“, - ამბობს კარმენი. - "სექსში ისეთივე გურმანი ვარ, როგორიც კულინარიაში!“

სხვათა შორის, რაც შეეხება საკვებს, მოდელი არასოდეს მჯდარა დიეტებზე, თავის მოხდენილ გარეგნობას კი მოწესრიგებულ ნივთიერებათა ცვლას უმადლის - „ამით კმაყოფილი ვარ, რადგან არ შემიძლია კალორიების თვლა. ვგიჟდები, ისე მიყვარს გემრიელი საკვები. მიხარია, რომ წონაზე ნერვიულობა არ მჭირდება, ბრწყინვალე მეტაბოლიზმი მაქვს“.

Rating

საინტერესო ფაქტები კარმენ დელ ორეფაისის შესახებ

1. შეყვანილია გინესის რეკორდების წიგნში, როგორც ყველაზე ხანგრძლივი კარიერის მქონე მოდელი, რომელიც პოდიუმზე გამოდის.

2. ჩვეულებრივ, ქალები ცდილობენ, შენიღბონ წლების გავლენა მათ გარეგნობაზე, კარმენი აქაც გამონაკლისია. თმასაც არ იღებავს. ვერცხლისფერი თმა მის საფირმო ნიშნადაც კი იქცა.

3. დაწერა წიგნი - „იყო ლამაზი: საიდუმლოებები და ხრიკები, რომლებიც მოდელად მუშაობის 40 წლის განმავლობაში ვისწავლე“.

4. სამჯერ იყო გათხოვილი. 1980-იანი წლების ბოლოს ტელეწამყვანმა დევიდ სასკინდმა სთხოვა ცოლობა, მაგრამ 1987 წელს ტელეწამყვანი გულის შეტევით გარდაიცვალა.

5. ერთხელ სალვადორ დალიმ კარმენს თავისი მუზაც კი უწოდა.

Rating

კარმენი 1931 წელს დაიბადა. მისი სილამაზის საიდუმლო ძალიან მარტივია: მას უყვარს ბევრი ძილი და ცურვა. ასაკს კი ჩვეულებრივად და უმტკივნეულოდ იღებს. და არ მალავს თავის მთავარ „საიდუმლოს“: „რა თქმა უნდა, დროდადრო პლასტიკური ქირურგის დახმარებას მივმართავ. დროთა განმავლობაში ხან რაა შესასწორებელი, ხან - რა“.

ერთხელ ჟურნალისტის შეკითხვაზე, როგორ ისურვებდა სიკვდილს, ასაკოვანმა ლამაზმანმა უპასუხა: „მაღალქუსლიან ფეხსაცმელებში“.

„მე ბრწყინვალე ცხოვრება მქონდა! ბევრი ქალი იცით, ვისი საპენსიო წიგნაკის ფოტოც ნორმან პარკინსონმა გადაიღო?“- ეს მშვენიერი კარმენ დელ ორეფაისის სიტყვებია, ქალის, რომელიც ასაკის მიუხედავად, დღესაც აქტიური მოდელია.

FaceBook Twitter Google ელფოსტაბეჭდვა
კომენტარი / 0 /
კომენტარი ჯერ არ გაკეთებულა.
რეიტინგული ფოტო