ატიფა ლიადჟიჩი და სერიფ ნოკია 20 წელი ებროძდნენ უშვილობას. საბოლოოდ ქმარი უშვილობას და იმ აზრს შეეგუა, რომ მხოლოდ ცოლსა და საკუთარ ჯანმრთელობაზე უნდა ეზრუნა. ცოლმა ქმრის აზრი არ გაიზიარა და უშვილობასთან ბრძოლას განაგრძობდა.
ქალი გამოტყდა, რომ ექიმის რჩევებს უკვე მხოლოდ ჩვევის გამო ითვალისწინებდა და გაკვირვებული დარჩა, როცა გაიგო, რომ ფეხმძიმედ იყო.
როცა სამყაროს პატარა გოგონა მოევლინა, სხვა ახალშობილების მსგავსად პატარა გამუდმებით ტიროტა. ამის ატანა სერიფმა ვერ შეძლო და ცოლი ბავშვთან ერთად მიატოვა.
„ახლა ატიფას ის აქვს, რაზეც მთელი ცხოვრება ოცნებობდა და ბედნიერია. მე 68 წლის ავადმყოფი ადამიანი ვარ, მაქვს დიაბეტი და სუსტი გული. ვერ ვისვენებ და მთელი ღამე არ მძინავს, რადგან ბავშვი ტირის“ - თავს იმართლებს მამაკაცი.
ყველაზე უარესი ბოლოს მოხდა. სერიფმა ბავშვისთვის გვარის მიცემაზე უარი განაცხადა, ქალი კი საავადმყოფოში ყოფნისას არ მუშაობდა. ახლა როგორ უნდა იზრუნოს შვილზე ფულისა და ქმრის გარეშე?! მიუხედავად ყველაფრისა ქალი პოზიტიურ განწყობას ინარჩუნებს:
„დაბრუნდება, თუ არა სერიფი, მე გოგონას აღზრდისთვის მაინც გავაკეთებ ყველაფერს და კარგ ადამიანს გავზრდი. მე მხოლოდ მისთვის ვიცოცხლებ“.
„ვიცი, რომ ეს მარტივი არ იქნება. მაგრამ დარწმუნებული ვარ, გამოჩნდებიან კარგი ადამიანები, რომლებიც დამეხმარებიან“ - განაცხადა ქალმა.
ანა გარელი
