კრის და ეშტონ ჰოჯები ვაჟის დაბადებას მოუთმენლად ელოდნენ. მათ ყველა გამოკვლევა პასუხისმგებლობით ჩაიტარეს, თუმცა ექიმებმა საშინელი დიაგნოზი დაუსვეს - ჰიპოპლასტიკური გულის სინდრომი. როგორც კი ბავშვი დაიბადა, პაწაწინა გულზე ოპერაცია გაუკეთეს.

მსგავსი დიაგნოზით ერთეულები ცოცხლობენ. მან გულზე 9 ოპერაცია გადაიტანა, 3-ჯერ მოათავსეს რეანიმაციაში, გადაიტანა ინსულტიც.

ამ ყველაფრის შემდეგ გადარჩენა კი, ნამდვილი სასწაულია.
ბავშვი 2 კგ დაიბადა, ოპერაციის გასაკეთებლად კი ძალების მოკრება იყო საჭირო. როცა ბიჭუნა სულ ერთი კვირის იყო, პირველი ოპერაცია გაუკეთდა.

15 თვის შემდეგ ახალშობილი საავადმყოფოდან გაწერეს, თუმცა გარკვეული დროის შემდეგ ინსულტი მიიღო და კვლავ საავადმყოფოში მოხვდა.

საბედნიეროდ, ამჟამად ბავშვი თავს კარგად გრძნობს და სიცოცხლით ტკბება. მომავალში კი მას გულის გადანერგვა დასჭირდება.
ჯეკი მიუხედავად იმისა, რომ ამდენი რამ გადაიტანა, ძალიან მხიარული ბავშვია. ის გამუდმებით იცინის და გარშემო მყოფებს ახალისებს.

ანა გარელი