როლანდ ოქროპირიძის ყოფილმა მეუღლემ, მსახიობმა სოფო გორელაშვილმა ბლიც-შეკითხვებზე გვიპასუხა. მან თქვა, რომ ძალიან უყვარს მულტფილმები და როცა მარტოა წერს თავის ემოციებზე და შეგრძნებებზე.

სახელი და გვარი: სოფო გორელაშვილი

ჰოროსკოპი: ტყუპები

რომ არ დავბადებულიყავი საქართველოში: დავიბადებოდი საფრანგეთში, მეცხრამეტე საუკუნის ბოლოს.

რომ შემეძლოს წარსულში დაბრუნება: ვისწავლიდი და წავიკითხავდი უფრო მეტს, ავინაზღაურებდი იმ დროს, რომელიც ტყუილად დავხარჯე.

ჩემი საყვარელი ფერი: შავი

ჩემი საყვარელი ყვავილი: მიხაკი.

ვნანობ: ძალიან ბევრ რამეს და ძალიან მიკვირს, როცა ამბობენ არაფერს ვნანობო.

მაღიზიანებს: სიყალბე.

მიყვარს: გულწრფელობა.

განტვირთვისთვის: ვცეკვავ.

როცა საკუთარ თავთან მარტო ვარ: ვწერ.

სხვები თვლიან, რომ ვარ: ძალიან ემოციური და არაპროგნოზირებადი ადამიანი.

ბავშვობაში მეგონა, რომ: ბავშვი ისახებოდა ქორწილში. კიდევ მეგონა, რომ მასწავლებლები არ ჭამდნენ და ტუალეტში არ დადიოდნენ.

შემიძლია ვაპატიო: ყველაფერი, რასაც გულით მოინანიებენ.

ადამიანი, რომელიც ყველაზე მეტად მიყვარს: დედა.

ჩემი დევიზია: იპოვე, რაც გიყვარს და მიეცი უფლება, - მოგკლას Find what you love and let it kill you..

ჩემი საყვარელი პერსონაჟი: თეოდორ დოსტოევსკის ''იდიოტიდან'' ნასტასია ფილიპოვნა და შტეფან ცვაიგის ''უცნობი ქალის წერილის'' მთავარი პერსონაჟი.

პრეზიდენტი რომ ვიყო: მთლიანად შევცვლიდი სასამართლო სტრუქტურას.

საკუთარი თავი 10 წლის შემდეგ წარმომიდგენია: საზღვარგარეთ, როგორც თითქმის ყველა მეოცნებე მსახიობს.

ყველაზე დიდი ბედნიერება ჩემთვის: ჩემი შვილი.

ზებუნებრივი ძალა რომ მქონდეს, მექნებოდა: ფრენის უნარი.

ვტირი: მოგონებებზე.

ყველაზე მეტად მეშინია: სიზმრების.

არასოდეს: არ ვიტყვი, რომ რამეს არ გავაკეთებ არასოდეს.

სანამ საზოგადოებისთვის ცნობადი სახე გავხდებოდი, ვფიქრობდი: რომ, გავხდებოდი(იცინის).

ჯადოსნური ჯოხი რომ მქონდეს: დავიბრუნებდი ბავშვობას.

ტრანსფორმაცია რომ შემეძლოს: გადავიქცეოდი, რომელიმე მულტფილმის პერსონაჟად.

მარიამ კაკაურიძე