შესაძლებელია, სკანდალისტი ია ფარულავა ბევრს არ მოსწონდა, მისი, ნანიკო ხაზარაძისა და დოდოშკა ხურცილავას სამეულის გადაცემა ბევრად უფრო რეიტინგული გამოდგა, ვიდრე ახალი თოქშოუ, რომელიც „იმედში“ მოამზადეს როგორც ჩანს, „იმედის“ შუადღის გადაცემამ, რომელიც გასული სეზონის განმავლობაში გადიოდა ამ არხზე და წამყვანთა შორის ცნობილი მომღერალი ზურა მანჯავიძეც გახლდათ, ვერ გაამართლა და შესაბამისად, ფორმატისა და წამყვანების შეცვლის გადაწყვეტილება მიიღეს.

„იმედის დღე“ მართლაც რომ ვერანაირ კრიტიკას ვერ უძლებდა, ეს ცხადზე ცხადი იყო. მიუხედავად იმისა, რომ შესაძლებელია, სკანდალისტი ია ფარულავა ბევრს არ მოსწონდა, მისი, ნანიკო ხაზარაძისა და დოდოშკა ხურცილავას სამეულის გადაცემა ბევრად უფრო რეიტინგული გამოდგა, ვიდრე ახალი თოქშოუ, რომელიც „იმედში“ მოამზადეს.

თუმცა „იმედის“ ამჟამინდელ ხელმძღვანელობას ფარულავა და დოდოშკა ხურცილავა უკან აღარ მიუწვევია, სამაგიეროდ, ნანიკო ხაზარაძეს შესთავაზეს ახალი „დღის შოუს“ წაყვანა. ჯერჯერობით არ არის ცნობილი, ვინ იქნებიან მისი მეწყვილეები, თუმცა ტელეკომპანიაში კასტინგი უკვე მიმდინარეობს.

რაც შეეხება ძველ გადაცემას, მის ერთ-ერთ წამყვან ზურა მანჯავიძეს დავუკავშირდი, რომ გამეგო, რას ფიქრობს ახალი შუადღის შესახებ და რატომ აღარ დაუძახეს „იმედში“ .

ზურა მანჯავიძე:
- ჯერჯერობით არაფერი ვიცი. სექტემბრიდან განახლებული შუა დღის გადაცემა რომ გავა, ეს ვიცი მხოლოდ და შეიძლება დამიძახონ.
- თქვენი გადაცემა რეიტინგის დეფიციტის გამო დახურეს?
- ეტყობა, ეგეც იყო მიზეზი. შესაძლოა, გადაცემას არ ჰქონდა საკმარისი რეიტინგი.
- და თქვენ ელოდებით, რომ ახალ გადაცემაში იქნება თქვენი ადგილი?
- ნამდვილად ველოდები, რომ შესაძლებელია დამირეკონ. გადაცემის დახურვის მიზეზები არ გამომიძიებია. თუ დავჭირდები, დამიძახებენ, თუ არა, არც ეს იქნება პრობლემა.

დიჯეი ბუკლე
ჟურნალი „რეიტინგი“