ერთ-ერთთან მიმოწერა ცოლმა წაიკითხა და სკანდალიც ამას მოჰყვა წლებია, მამებისა და ბაბუების თაობიდან გვესმის, რომ რუსი გოგონები კავკასიელ მამაკაცებზე, განსაკუთრებით, ქართველებზე გიჟდებიან. ახლა მოდაში უკრაინელი გოგონები არიან, მაგრამ ქართველი მამაკაცები რუსებსა და უკრაინელებთან ერთად, ქართველებზეც არ ამბობენ უარს და უფრო მეტიც, ხანდახან რამდენიმე ქართველ გოგონასთან ერთდროულად ფლირტაობენ. ამჯერად ყველაზე მექალთანე ქართველი მამაკაცების სიას გაგაცნობთ.

გიორგი ვარდოსანიძე მექალთანის სტატუსს ჯერ კიდევ სალომე ჭაჭუაზე დაქორწინებამდე ატარებდა, მაგრამ, როგორც ჩანს, უღელში შებმამ ვერ უშველა და საყვარელ ცოლს თანაცხოვრებიდან მალე დაშორდა. მიზეზი კი, როგორც ამბობენ, გოგონების სიყვარული იყო, ერთ-ერთთან მიმოწერა ცოლმა წაიკითხა და სკანდალიც ამას მოჰყვა.

ბიზნესმენი გენო მალაზონია დღემდე მარტოა, მაგრამ მისმა გულმა უამრავი ცნობილი ქალბატონის სიყვარული დაიტია. ამბობენ, რომ თიკო სადუნიშვილი და შორენა ბეგაშვილი ერთმანეთს სამკვდრო-სასიცოცხლოდ სასურველი სასიძოს გამო გადაეკიდნენ. ლაპარაკობდნენ გენოსა და ნინა წკრიალაშვილის რომანზეც. ბოლო დროს კი იმაზეც ჭორაობდნენ, რომ არჩევანი საბოლოოდ ლიკა ლაბაძეზე შეაჩერა და მალე ცოლადაც მოიყვანდა, მაგრამ ამ ჭორის გავრცელებიდან მალე მალაზონია დასასვენებლად სხვა გოგონებთან ერთად გაემგზავრა.

გიორგი ყიფშიძის რომანები უკვე დიდი ხანია, პრესის გემრიელი ლუკმაა. კრისტი ყიფშიძესთან დაშორება, როგორც წლების შემდეგ გაირკვა, ია სუხიტაშვილთან რომანის გამო მოუხდა.



მსახიობი მეორე ცოლთან – ანი ჩიკვილაძესთანაც ვერ დაშოშმინდა და ამბობენ, რომ მეუღლე ეჭვიანობის ნიადაგზე ღამის კლუბებში ხშირად აკითხავდა. ყველაზე დიდი სკანდალი კი მისი და ჯულიანა ბარ-გნარის რომანს მოჰყვა. ამის გამო გარკვეული პერიოდი ცოლ-ქმარი ცალ-ცალკეც ცხოვრობდა.

ალბათ, ბოლო რამდენიმე წელია, თბილისში გასათხოვარი ცნობილი გოგო აღარ დარჩა, რომ როსტოსთან არ დაეწყვილებინათ, მაგრამ რეალური რომანი უკრაინელ ოლიმპიურ ჩემპიონ იანა კლაჩკოვასთან გააბა და შვილიც შეეძინა. უკრაინაში დიდხანს ვერ გაძლო და მშობლიურ კერას დაუბრუნდა. ''ნადირობაც''ქართველ გოგონებზე განაახლა, თუ გოგონები იქით ნადირობენ მასზე?



ეს უკვე საკითხავია. როგორც ერთ-ერთ გადაცემაში აღნიშნა, საკმაოდ ტრადიციულია და სიმპათიური თბილისელი ცოლადაც ასეთ გოგონას ეძებს.

ირაკლი კუტალაძე ქართველებისთვის ლამის ყველაზე არასასურველ სიძედ გადაიქცა, როდესაც ნინი ბადურაშვილზე იქორწინა. იმდენს წერდნენ და ჭორაობდნენ, რომ, როგორც ჩანს, მათი ქორწინება გაითვა-ლა და წყვილმა ერთად დიდხანს ვერ გაძლო. როგორც განქორწინების შემდეგ ამბობდნენ, ირაკლის რუსი გოგონები თავს ბუზებივით ეხვია და არც ის ამბობდა მათთან ფლირტზე უარს. კუტალაძეს მოსკოვის ცენტრში საკუთარი კლუბი აქვს და სოციალურ ქსელში ხშირად დებს იქ გადაღებულ ფოტოებს სხვადასხვა გოგონასთან ერთად.

გივი სიხარულიძე ამ სიაში ყველაზე ასაკოვანი, მაგრამ გამოცდილია. ალბათ, ქვეყანა არ დარჩა, სადაც არ ყოფილა და მინიმუმ ორი-სამი ქალი არ დაუტოვებია გულნატკენი.



ყოველ შემთხვევაში, თავად ასე ჰყვება გასართობ შოუებში. წლებმა ვერაფერი დააკლო და გივი სიხარულიძე დღემდე რჩება ქართველი მექალთანე მამაკაცის სინონიმად.

ირაკლი ალასანია წლების განმავლობაში პოლიტიკოსებიდან ერთ-ერთ ყველაზე ერთგულ მეუღლედ მიიჩნეოდა, თუმცა ვიდეო, რომელიც დაახლოებით ერთი წლის წინ გამოუქვეყნეს და ერთ საათში ინტერნეტიან გაქრა, დღემდე რჩება სკანდალის მიზეზად და ამაზე მარტო ბიძინა ივანიშვილმა კი არა, ალასანიას მეუღლემაც არაერთხელ მიანიშნა ''ხუმრო-ბით''სხვადასხვა ინტერვიუში. პარიზში ვიზიტად მყოფი ალასანია ფარულად მაშინ გადაიღეს, როდესაც პროფესიით დიზაინერ-არქიტექტორს, 28 წლის თაკო ვალიშვილს ბრიუსელში ჩააკითხა და ერთ-ერთ მაღაზიაში მისთვის ძვირად ღირებულ სამკაულს ყიდულობდა.

მიხეილ სააკაშვილისთვის ქალების თემა მთელი პოლიტიკური მოღვაწეობის ნაწილად იქცა. რას აღარ წერდნენ მისი მექალთანეობის შესახებ. პრესა ხშირად წარმოუდგენელი ამბების გამოქვეყნებასაც არ ერიდებოდა. მაგალითად, როგორ დაუწყებდა ხოლმე დევნას რესტორანში შექეიფიანების შემდეგ ქალებს. მართალია, ასე მორბენალი მიშას ვიდეო არავის უნახავს, მაგრამ მისი პრეზიდენტობისას რამდენიმე გამორჩეული ქალბატონი ნამდვილად ტრიალებდა მის გარშემო, რომელთა პოლიტიკური თუ მუსიკალური კარიერა წინ წავიდა.

კახი კალაძე ანუკა არეშიძეზე დაქორწინებამდე ყველაზე სასურველ სპორტსმენ სასიძოდ მიიჩნეოდა და როგორც ამბობდნენ, მასზე უამრავი ცნობილი თუ უცნობი გოგონა იყო შეყვარებული. თუმცა გული მხოლოდ მოდელებისკენ მიუწევდა და ჯერ ''მის საქართველო''სალომე ხელაშვილზე იყო შეყვარებული, შემდეგ კი ირინა ონაშვილსა და კალაძეზეც ჭორაობდნენ. როგორც ამბობდნენ, ირინას მანქანა უყიდა. საბოლოოდ კი არჩევანი ანუკა არეშიძეზე შეაჩერა და დღეს კარგი მეოჯახე გახლავთ.


ქეთი მელაძე
ჟურნალი ''რეიტინგი''