გოგოლა კალანდაძე:
- საყიდლებზე ხშირად დეზერტირების ბაზარში დავდივარ. მართლა არ ვსარგებლობ სუპერმარკეტებით. ძალიან იშვიათად "კარფურსა" და "ნიკორაში" თუ შევივლი. ასეთი მაღაზიები არ მიყვარს.
- ჭამა სად გიყვარს?
- ჭამა ყველაზე მეტად სახლში მიყვარს. ერთადერთი "ანტრე" მომწონს, როცა სწრაფად მინდა ხოლმე რამის
- ქართული სამზარეულო გიყვარს?
- კი, "მეგრელები". ხშირად ვერა, მაგრამ როცა მაქვს საშუალებაც და დროც, მივდივარ. ელარჯზე ვგიჟდები და ძირითადად ამას ვჭამ ხოლმე.
პაატა გულიაშვილი:
- ყველაზე ხშირად ოჯახთან ერთად ქავთარაძის ''გუდვილში'' მიწევს სიარული. სოსისების საყიდლად ''ნიკორაში'' დავდივარ და ვაკის სოსისების მაღაზიაა დელისთან. ''ნიკორაში" ძირითადად საბავშვო სოსისისთვის შევდივარ და ლუდის სეზონი როცა არის, შაშხი და ასეთი რაღაცები კარგი აქვთ.
- საჭმელად სად დადიხარ?
- ყველაზე ხშირად ''ფაეტონში'' მიწევს ყოფნა და მცხეთას რომ გასცდები, იქვე არის რესტორანი ''ზღაპარი'', სადაც ძალიან გემრიელი იმერული კერძები აქვთ. საჭმელი ისე ყველაფერი მიყვარს, ცუდი მჭამელი არ ვარ, მაგრამ აქ ძალიან მაგრად აკეთებენ: თხილში დებენ შემწვარ წიწილას, დატეხილი ყველი აქვთ და ა.შ.
- ევროპულ სამზარეულოსთან როგორ ხარ?
- ძირითადად, მაინც ქართულ სამზარეულოს ვანიჭებ უპირატესობას. სუში გასინჯული მაქვს, მაგრამ რომ გითხრა, ახლა უნდა წავიდე და თუ არ ვჭამე, მოვკვდები-მეთქი, ასე არ არის. ტკბილეულიდან ყველაზე მეტად ნაყინი და გაზიანი სასმელები მიყვარს. უფრო ''კოკა-კოლა'', ოღონდ ''ზერო''. წესით, უშაქროა და ამიტომ, შაქარს მაინც ვერიდები. არ ვიცი, რამდენად სწორად აწერია, მაგრამ, ყოველ შემთხვევაში, ვენდობი. ყავაც ძალიან მიყვარს და ამიტომ ''ლავაცას" ყავის ჯიხურები რომ არის, იქ დავდივარ ხოლმე.
ეკა ჩიკვაიძე
ჟურნალი ''რეიტინგი''
