რა
ა.მ. - სახლში ძალიან დიდ დროს ვატარებ. განსაკუთრებით მიყვარს ღამე, ჩემს ოთახში ძილი. დიდ ყურადღებას ვაქცევ კომფორტს, ზოდიაქოთი კურო ვარ და ჩემს ჰოროსკოპს ახასიათებს ეს თვისება. ჩემთვის ძალიან დიდი მნიშვნელობა აქვს მყუდრო გარემოს.
რომელია თქვენი ყველაზე საყვარელი ადგილი შინ?
ა.მ. - ერთი კონკრეტული საყვარელი ადგილი და კუთხე არ მაქვს. მიყვარს ჩემი საძინებელი, სააბაზანო ოთახი, სამზარეულო და სასტუმრო ოთახი, რომელიც ფოტოებით გავავსე და ძალიან დიდი სითბოთი, სიყვარულით მოვაწყვე. ასევე ძალიან მიყვარს ჩემი გაკეთებული კიბე.
რა ისტორიას ატარებს თქვენი სახლი? ვინ ცხოვრობდა, სანამ თქვენ დაიდებდით ბინას?
ა.მ. - ეს არის მამის − შოთა მეფარიძის აშენებული სახლი, სადაც დაბადებიდან ვცხოვრობ. მისი დღემდე ძალიან მადლიერები ვართ, ჩვენ − ოჯახის წევრები, შვილები, შვილიშვილები და ახლობლები, რადგან წყნეთში, სადაც ახლა ჩვენი სახლი მდებარეობს, მამამ დაგვასახლა ყველა, ერთმანეთის გვერდიგვერდ და შექმნა მეფარიძეების უბანი.
„სახლს შეუძლია აბსოლუტურად ყველაფერი თქვას და მოჰყვეს მის მფლობელზე − ხასიათი, ჩვევები, ემოციურობა, მისი დამოკიდებულება, პიროვნული თვისებები“
როგორი დაგხვდათ სახლი და რა შეცვალეთ იქ? როგორ და რის მიხედვით დაყავით სივრცეები და ოთახები?
ა.მ. - სახლი იყო ტრადიციული, ქართულ-იმერული სტილის, გარშემორტყმული დიდი აივნით. ფასადი მოვანგრიე, გავუკეთე ახალი შემოსასვლელი, დავანგრიე შიდა ტიხრები და თავიდან დავაპროექტე, შევცვალე აივნები, ფაქტობრივად მხოლოდ გარეთა კედლები და კარკასი დავტოვე. ახალი სუნთქვა და ახალი სიცოცხლე მივეცი სახლს. პრაქტიკულად, თავიდან ავაშენე. გაგრძელება
