მომღერალი სოფო ბედია და მიშა მესხი 27 დეკემბერს, ნანატრი ვაჟის მშობლები გახდნენ. პატარას დაბადებას ცნობილი წყვილი საშობაოდ ელოდებოდა, თუმცა, სოფოს მოულოდნელად დაეწყო მშობიარობა და დავით გაგუას კლინიკაში მეორე შვილი გააჩინა.

სოფო ბედია და მიშა მესხი ერთმანეთის გარეშე თითქმის ყველა სიტუაციაში წარმოუდგენელია, მაგრამ ამჯერად მიშა ცოლს სამშობიარო ბლოკში არ შეყვა და პატარას დაბადებას გარეთ ელოდებოდა.

საკუთარი ემოციებისა და პატარა ანდრიას შესახებ სოფო „რეიტინგს“ ესაუბრა.

- 27 დეკემბერს დაიბადა ანდრია. გაგუას კლინიკაში გავაჩინე, 3.8 კგ და 51 სმ იყო. დღეს მივიყვანეთ ექიმთან და ათ დღეში 700 გრამი მოიმატა. არ ვიცი, რისი ბრალია, ალბათ ნანატრი შვილი არის და ამიტომ, მაგრამ ანდრიას დაბადება მძაფრად აღვიქვი. ღმერთის საჩუქარია ჩვენი შვილი. პირველად დედა ათი წლის წინ გავხდი, 23 წლის ვიყავი, ნიკუშა როცა დაიბადა, ასე მძაფრად არ აღმიქვია დედობა. ანდრიას დაბადების შემდეგ, ნიკუშა უფრო დიდი ბიჭი მეჩვენება, ყველაფერში მეხმარება. მითხრა, რა კარგი იქნებოდა მე და ანდრია ტყუპები რომ ვიყოთო, ეტყობა, მოწონს ხელში რომ გვიჭირავს სულ ანდრია (იცინის).




- ვინ გეხმარებათ ბავშვის აღზრდაში?
- ბავშვს დამოუკიდებლად ვზრდით. მიშასთვის ეს პირველი შვილია და კი ვიცოდი, კარგი მამა რომ იქნებოდა, მაგრამ ამასაც არ ველოდი. ხელიდან ვერ წაართმევ ბავშვს. აჭმევს, ღამეებს უთენებს, მალე ალბათ გამოუცვლის კიდეც. ჩემი დედამთილი გადმოვიდა ჩვენთან და ძალიან გვეხმარება ანდრიას აღზრდაში.



- უყვარს ჭამა ანდრიას?
- კი, მე ხომ მყავს ბუნებრივ კვებაზე? ხელოვნურსაც ვუმატებ და არ ყოფნის. რაღაც უნდა კიდევ მესამე და ამის გამო რესტორანას ვეძახით. ყველაფერი უნდა.

- რამდენი კილოგრამი მოიმატე ორსულობისას?
- 25 კილოგრამი მოვიმატე და 12 სამშობიაროში დავტოვე. ბავშვი ბუნებრივ კვებაზე მყავს და დიეტას ვერ შევძლებ, მაგრამ ვცდილობ, გავაკონტროლო წონა. ჩემი პროფესიაც მოითხოვს ფორმაში ყოფნას. ბავშვის გაჩენიდან ზუსტად 3 დღეში ვიდექი სცენაზე, ღვთის წყალობით, ყველაფერი კარგად იყო და უარს ვერ ვიტყოდი საახალწლო ღონისძიებაზე.