ქალბატონი მარინას კორპუსი თანამედროვე დიზაინითა და პირობებით აღჭურვილი სამშენებლო კომპლექსის ნაწილია. შეხვალთ თუ არა სადარბაზოში, ქართული რეალობისთვის უჩვეულო გარემო დაგხვდებათ: სავარძელი მოსასვენებლად, დიდი, ლამაზ ყვავილებიანი ქოთნები და სარკე, რომელსაც ალბათ ყველაზე ხშირად სელფისთვის იყენებენ.
ამასთან, კორპუსს იმდენად კომფორტული ლიფტები აქვს, ჩემნაირი მშიშარა ადამიანიც კი უშფოთველად ავედი მაღალ სართულზე.
- ამ ბინაში 2013 წელს გადმოვედი, მანამდე სოლოლაკში,
მყავდა მეზობელი სედა, გამყიდველი რიტა, იყო გადაძახილები: “ამომიტანე პური”, “სიგარეტი გამითავდა, ამომაწოდე”, ყავას ვსვამდით ხეებით დაბურულ ეზოში... მოკლედ რომ ვთქვა, თბილისურ ეზოში გავატარე მნიშვნელოვანი წლები, მაგრამ ცხოვრება უცნაური რამეა და მოხდა ისე, რომ 2013 წლიდან უკვე აქ ვცხოვრობ.
ბინის ყიდვის საკითხი რომ დადგა, ბევრი არ მიფიქრია, ჩემი შვილი ცხოვრობს პირველ სადარბაზოში და მისი დიდი სურვილი იყო, რომ მასთან ახლოს ვყოფილიყავი.
განაგრძეთ კითხვა:
