ყველა ქალი უნიკალური და განსხვავებულია, თუმცა, მდედრობითი სქესის წარმომადგენლებს ბევრი საერთო თვისება გვაკავშირებს. იცით, ყველაზე საინტერესო რა არის? ყველაზე მეტად სხვა ქალებს არაორდინარულობით ვემსგავსებით. ჩვენ ძალიან მოგვწონს თავის მოვლა, შოპინგი, ყურადღების ცენტრში ყოფნა. ნინი ონიანმა ამ და სხვა რამდენიმე "ქალურ კითხვაზე" გვიპასუხა.

- რისი გაკეთება მიგაჩნიათ ყველაზე მნიშვნელოვნად სილამაზის შესანარჩუნებლად?

- ჯანსაღი ცხოვრების წესი. ვარჯიში, სწორი კვება და ბევრი წყალი. ნუ, რა თქმა უნდა, თუ დავახმართ ნაირნაირ სასიამოვნო პროცედურას, ძალიან კარგი იქნება.

- რა სიხშირით

სტუმრობთ სილამაზის სალონებს? და ყველაზე
ხშირად რომელი მომსახურებით სარგებლობთ?

- მანიკიურს ვიკეთებ ძალიან ხშირად. ფრჩხილები სულ მოწესრიგებული უნდა მქონდეს. ასევე, თუ სადმე მივდივარ, ვიკეთებ თმას...

- მაკიაჟს ყოველდღიურად იკეთებთ?

- არა. თუ საჭიროება არ არის, მხოლოდ ტუჩსაცხით და თვალის ტუშით შემოვიფარგლები.

- არის რამე აქსესუარი, რომლის გარეშეც არასდროს გადიხართ გარეთ?

- დიახ, საათი და სათვალე.

- შეგიძლიათ გაიხსენოთ, ბოლოს როდის იშოპინგეთ და დაახლოებით რა დაგიჯდათ ეს სიამოვნება?

- გუშინ ვიშოპინგე, ვიყიდე პალტო და გამოსასვლელი კაბა. რა დამიჯდა, არ ვიცი, მე არ გადამიხდია.

- ტანსაცმლის შეძენის დროს ბრენდს უფრო დიდ ყურადღებას აქცევთ თუ მოდელს?

- მოდელს და იმას, თუ როგორ გამოვიყურები, რასაც ვირჩევ, იმ სამოსში.

- კვებას რამდენად დიდ ყურადღებას აქცევთ? დიეტაზე ყოფილხართ?

- კვებას დიდ ყურადღებას ვაქცევ, მაგრამ თავს არაფერს ვუკრძალავ. დიეტაზე არ ვყოფილვარ. ერთადერთხელ, მშობიარობის შემდეგ, უბრალოდ, ნახშირწყლები ამოვიღე რაციონიდან.

- არსებობს რამე გზა, რომლითაც არასდროს შეეცდებით ზედმეტ კილოგრამებთან ბრძოლას?

- ჩემთვის წონაში მომატებაა მიუღებელი. ყველაზე მარტივი გზა ჯანსაღი ცხოვრების წესია... არავითარი ქირურგიული ჩარევა... ნუ შევჭამთ ბევრს და არ გავსუქდებით.

- როგორ ფიქრობთ, არის თუ არა კავშირი ადამიანის გარეგნობასა და შინაგან სამყაროს შორის?

- არის, მაგრამ ყოველთვის არა.

- მკითხავთან ყოფილხართ ოდესმე?

- ვყოფილვარ, კი, თუმცა, არ მჯერა. დიდი ხნის წინ იყო, არ მახსოვს, რა მითხრა.


განაგრძეთ კითხვა: