იგი
- განსხვავებული მეთოდით აგებთ პარკეტს. რა ჰქვია ამ მეთოდს?
- ეს არის მხატვრული პარკეტი. მოსკოვში ვისწავლე მსგავსი მეთოდით პარკეტის დაგება. ორი წელი ერთ-ერთ წამყვან ფირმაში ვმუშაობდი, შემდეგ მე თვითონ გავაკეთე ქარხანა და კერძოდ დავიწყე მუშაობა. ბრიგადაში 5-6 კაცი მყავდა და ერთობლივად ვმუშაობდით.
- ქაღალდზეც ისე არაჩვეულებრივად ხატავთ, როგორც პარკეტზე?
- არა, რეალურად ხატვის ნიჭი არ მაქვს. ქაღალდზე ხატვა არ შემიძლია. პარკეტზე პირდაპირ ნახატიდან გადამაქვს გამოსახულება. ჩვენთან რაც მოაქვთ ნახატი, გვაქვს სპეციალური პროგრამა და იმაზე ვჭრით ნახატს, შემდეგ კი გადაგვაქვს პარკეტზე.
- მოსკოვში მუშაობის პერიოდს როგორ გაიხსენებდით? ძირითადად რა ტიპის ობიექტებზე გიწევდათ მუშაობა?
- კერძო შეკვეთებიც იყო, მაგრამ ძირითადად სამთავრობო სტრუქტურებში ვმუშაობდი. ნამუშევარი მაქვს კრემლში. რვა თვის წინ რუსეთის სატრანსპორტოს მინისტრის კაბინეტი გავაკეთეთ. მიმუშავია რუსული ესტრადის წარმომადგენლებთან, მომღერლებთან. პარკეტი დავაგე გრიგორი ლეპსის სახლში, ვალერი მელაძესთან და სხვებთან.
- როგორ დაკვეთებს იღებდით ამ ადამიანებისგან? რა იყო მათთან აქტუალური, მოდური?
- მხატვრული პარკეტი იქ ძალიან ცნობილი და მოდურია. საქართველოში იმდენი მოთხოვნა არ არის, რაც იქ იყო. ეს საკმაოდ დიდ თანხებთან არის დაკავშირებული და ამის საშუალება საქართველოში ცოტას თუ აქვს. რუსეთში დიდი მოთხოვნაა კაკლის ხის მასალაზე, მაჰაგონზე, აფრიკულ ხეებზე და სხვა ძვირადღირებულ მასალაზე, რომელთა კვ.მ-ის ფასი მინიმუმ 200-300 დოლარიდან იწყება. ძირითადად იმ მასალებზე ვმუშაობდით, რომლებიც ძვირადღირებული, ეგზოტიკური და ეკოლოგიურად სუფთაა.
- ყველაზე რთული ნამუშევარი ვის სახლში შეასრულეთ?
- ოთხი თვის განმავლობაში ვმუშაობდით რუსეთის სატრანსპორტო მინისტრის კაბინეტში, რომელიც 700 კვადრატული მეტრი იყო.
განაგრძეთ კითხვა:
