ქართველი ირინა შეიკი - ვიქტორია კოჩეროვა გათხოვდა. მისი რჩეული ბათუმის საკრებულოს დეპუტატი ლევან კინწურაშვილი გახლავთ. წყვილმა ქორწილი ბათუმში გადაიხადა. გასული წლის მის საქართველომ კი ქორწლის დეტალებზე და თუ როგორ გაიცნო მომავალი მეუღლე ექსკლუზიურად „რეიტინგთან“ ისაუბრა.

- ვიქტორია პირველ რიგში გილოცავ . ვინ არის შენი მეუღლე?
- დიდი მადლობა მოლოცვისთვის. ჩემი მეუღლე ბათუმის საკრებულოს დეპუტატი ლევან კინწურაშვილი გახლვათ.

- როგორ გაიცანით ერთმანეთი?
- პირველად მან „მის საქართველოს“ კონკურსზე მნახა. შემდეგ „after party-ზეც“ მოვიდა, თუმცა საჭიროდ არ ჩათვლა ჩემთან მოსულიყო გასაცნობად და უკან გაბრუნდა. შემდეგ facebook-ზე მომილოცა. მიუხედავად იმისა, რომ თითქმის ერთი წელი ვმესიჯობდით - მისი არც გვარი ვიცოდი, არც ვიზუალურად მყავდა ნანახი, რადგან დაფარული account-ი ჰქონდა. წარმოდგენაც არ მქონდა, როგორი შეიძლებოდა ყოფილიყო. ზოგადად უცხო ადამიანებს არ ვპასუხობ, მითუმეტეს ვისაც არც სურათი უდევს, არც სახელი უწერია, თუმცა გამონაკლისი დავუშვი. საბედნიეროდ 8 თვის შემდეგ შევხვდით ერთმანეთს და იქიდან ერთი წლის თავზე დავქორწინდით.

- სად იყო ქორწილი?
- ქორწილი ბათუმში , შერატონში გადავიხადეთ.

- საზოგადოებისთვის ცნობილი სახეები თუ ესწრებოდნენ, პოლიტიკოსები?
- ქორწილს 400 ადამიანი ესწრებოდა და რა თქმა უნდა მათ შორის პოლიტიკოსებიც.

- თაფლობის თვე სად გაატარეთ?
- სხვადასხვა მიზეზების გამო თაფლობის თვე ცოტა ხნით გადავდეთ.

- შენს საქორწილო კაბაზე რას გვეტყვი?
- საქორწილო კაბის დიზაინი მე მეკუთვნის. დანარჩენი ყველაფერი მარიონელას მივანდე, რომელთაც მოლოდინს გადააჭარბეს.

- ბათუმში ხომ არ აპირებთ ცხოვრებას?
- ლევანი დიდი ხანია თბილისში ცხოვრობს და აქეთ ვაპირებთ ცხოვრებას.

- რამდენი შვილი გინდათ,რომ გყავდეთ?
- ბავშვები ძალიან მიყვარს. თუ ღმერთი ინებებს მინიმუმ 3 შვილი მინდა გვყავდეს.

- მის საქართველოს წლევანდელ კონკურსანტებზე რას გვეტყვი?
- მის საქართველო 2017 წლის ჟიურის წევრი გახლავართ. ძალიან მომწონს წლევანდელი კონკურსანტები. ჯერჯერობით გოგონებს კარგად არ ვიცნობ.

- სამომავლო გეგმები როგორი გაქვს?
სამომავლო გეგმები განათლებას უკვაშირდება. ამჯერად „გაუს“ სტუდენტი ვარ. შესაბამისად თავისუფალი დროის უმეტეს ნაწილს, სწავლას ვუთმობ.