საახალწლო განწყობას წელს ლარის მდგომარეობა ყველას გვიფუჭებს. რთული მდგომარეობაა, არავინ იცის, ვინ გამოასწორებს სიტუაციას, ვის უნდა მივმართოთ საშველად და საერთოდ, ეშველება თუ არა ამ პრობლემას რამე. მიშა ანდღულაძემ ამ საკითხზე თოვლის ბაბუისგან ისურვა პასუხის გაგება.

- ყველაზე დასამახსოვრებელი საახალწლო საჩუქარი შეგიძლიათ გაიხსენოთ?
- რაც უჩუქებიათ ყველაფერი ჩემს მეხსიერებაშია და როგორც, შვილებს ვერ გამოყოფთ ერთმანეთისგან, ისე ვერ განვასხვავებ საჩუქრებს.

- თქვენ როგორ საჩუქრებს ყიდულობთ ხოლმე?
- ეს დამოკიდებულია იმ ადამიანის ხასიათზე, ვისთვისაც ვყიდულობ საჩუქარს. ყოველთვის ვცდილობ, ისეთი რამე ავარჩიო, რაც მას მოეწონება, ვისი გახარებაც მინდა.

- ვისთვის ყიდულობთ საჩუქრებს?
- მეუღლისთვის, მეგობრისთვის, ოჯახის წევრებისთვის, საყვარელი ადამიანებისთვის...

- როგორ აღნიშნავთ ამ დღესასწაულს?
- ჩვეულებრივად, როგორც ყველა მოკვდავი. ზოგჯერ სახლში ვხვდები, ოჯახის წევრებთან ერთად, ზოგჯერ - ივენთებზე. განსაკუთრებული არაფერი.

- ვინ აწყობს თქვენს ოჯახში ნაძვის ხეს?
- ვისაც სცალია. წელს ჩემს შვილსა და მეუღლეს ეცალა, შესაბამისად მათ მორთეს.

- შეგიძლიათ გაიხსენოთ საუკეთესო ახალი წელი თქვენს ცხოვრებაში?
- ახალი წელი ყოველთვის საუკეთესოა ჩემთვის, მიყვარს ეს დღესასწაული.

- ფეიერვერკები გიყვართ?
- კი, მიყვარს. საერთოდ, ახალ წელთან დაკავშირებული ყველაფერი მიყვარს.

- წარმოიდგინეთ, თოვლის ბაბუას შეგიძლიათ მიწეროთ წერილი, რას მიწერდით?
- მივწერდი ლარის კურსთან დაკავშირებით, ვთხოვდი, მას მაინც ეპასუხა როდემდე იქნება ლარი ამ მდგომარეობაში და ეშველება თუ არა რამე.

- რას გეგმავთ წელს საახალწლოდ? როგორ შეხვდებით 2017 წელს?
- დავიძინებ და დავისვენებ.

მარიამ კაკაურიძე