ნინა წკრიალაშვილისა და სალომე გოგიაშვილის დაპირისპირების შესახებ, წლების წინ პრესა აქტიურად წერდა.
ყველაფრის მიზეზი კი „ფეისბუქზე“ სალომეს მიერ გამოქვეყნებული ფოტო გახდა.

რუსი მომღერლისა და პლასტიკური ოპერაციების სიმრავლით ცნობილ სერგეი ზვერევის სურათზე ნინა წკრიალაშვილის ფოტო იყო მიმონტაჟებული.



სალომეს დასათაურებულ ფოტოს, სადაც სოციალური ქსელის მომხმარებლებს სამი განსხვავების პოვნას სთხოვდა, დიდი გამოხმაურება მოჰყვა. ამ თემაზე საიტზე მასალაც დავწერეთ, რომლის ლინკიც მოგვიანებით ნინამ „ფეისბუქის“ საკუთარ გვერდზე გამოაქვეყნა და სალომეს ისეთივე ბედნიერი ცხოვრება უსურვა, როგორსაც საკუთარ თავს უსურვებდა.



ბევრმა ეს ნინას მხრიდან ღირსეულ ნაბიჯად ჩათვალა და სალომეს მისამართით კრიტიკა არ დაიშურა, მაგრამ, როგორც ჩანს, რეალურად ამ ორ ქალბატონს შორის არსებული დაპირისპირების მიზეზი პოლიტიკურ აზრთა სხვადასხვაობა არ ყოფილა. ნინას სალომეს მიმართ გამოქვეყნებულ თბილ სტატუსს სალომემ სოციალურ ქსელში სულ სხვა ემოციით უპასუხა:

„ძალიან ემოციური სათაურია, ნინა ბრავო! ისე რამე ხომ არ დაგავიწყდა? გინდა კარგად შეგახსენო შენი იტალიის „პაეზდკა“ ? და ერთს დავამატებტი, სანამ ამდენ სითბოს გადმოაფრქვევ ჩემი მისამართით, მანამდე გეფიქრა, სანამ დაუწვებოდი, რომ ერთ დროს ეს ჩემი ძალიან კარგი ნაცნობის ქმარი იყო. იმედია მომავალში კიდევ ვინმე ძალიან კარგი ახლობელი, მსგავს ისტორიას არ წააწყდება შენი მონაწილეობით“, - დაწერა სალომემ.

წლების წინ მომხდარ დაპირისპირებაზე საუბარს გუშინ გვერდი ვერ აუარა ნინა წკრიალაშვილმა. ის გადაცემა „პროფილის“ სტუმარი იყო, სადაც ყვითელი პრესის წარმომადგენლების შეკითხვებს უპასუხა.



მოდის ონლაინ-პლატფორმა “streetstyle.ge“-ს რედაქტორმა, გივი რაზმაძემ მას სალომე გოგიაშვილთან მომხდარი დაპირისპირების გახსენება სთხოვა.

თუმცა, ნინამ განაცხადა, რომ სალომეს სიმართლის თქმით, პრობლემებს შეუქმნიდა და მხოლოდ მცირე კომენტარით შემოიფარგლა.



- მე რომ დავდგე და მოვყვე ყველაფერი, სალომეს ინტერესები არ იქნება დაცული. შეიძლება პრობლემები შევუქმნა გოგოს. ღმერთმა ბედნიერი ამყოფოს. რასაც თქვენ ამბობთ, თენგო (ნინას მეორე ქმარი) ახალი გარდაცვლილი იყო, ორმოციც არ იყო გასული, როცა ეს ამბავი მოხდა.

როდესაც ასეთ დროს, ერთი ქალი, მეორეს ასეთი ტიპის სკანდალს უწყობს, არ ვიცი ამას რა ჰქვია.
გაოცებული ვიყავი, როგორ მოიფიქრა ამ დროს ეს. დროსაც ხო უნდა შერჩევა? ეს სკანდალი ასე დასრულდა, შევიძინე ორი მაგარი მეგობარი, ერთი ვასიკო, მისი ყოფილი ქმარი.

კითხვაზე, იყო თუ არა ნინა იტალიაში სალომე გოგიაშვილის ყოფილ ქმართან, ვასკა პეტრიაშვილთან ერთად დასასვენებლად, მომღერალმა განაცხადა, რომ იტალიაში ვასიკოსთან ერთად არასოდეს ყოფილა.