- ცოტა აჟიტირებული ვარ. არ მეგონა, ჩემს სიმღერას ასეთი გამოხმაურება თუ მოჰყვებოდა. საქართველოში ყველა მღერის, მერე რა, რომ ტაქსისტი ვარ. მე მაინც მგონია, რომ ხალხი ჩემი ამბით დაინტერესდა. თავისი ნებით იეღოვას სექტიდან არავინ მოდის.
- რა მიზეზით არის აკრძალული სიმღერა?
- იმ მიზეზით, რომ ხვალ იქნება არმაგედონი და აღარ იარსებებს საზოგადოება, რომლისთვისაც შენ მღერი. ზოგადად, კარიერის გაკეთება არ შეიძლება. ასეთ შემთხვევაში აღარ გრჩება დრო, იყო ამ ორგანიზაციის აქტიური წარმომადგენელი.
- კიდევ რა იკრძალება?
- დაბადების დღის, ახალი წლის აღნიშვნა.
- რამდენ ხანს იყავი ამ გაერთიანებაში?
- გაერთიანება (იღიმება)? კარგად ჟღერს, მომწონს. გაერთიანება რომ იყოს, კიდევ ჰო, ეს სექტაა და თავისი კანონები აქვს. ათი წელი ვიყავი ამ სექტაში და ერთ-ერთი ლიდერი გახლდით.
- როგორ იზიდავენ ადამიანებს, მხოლოდ რწმენით? ფინანსური დაინტერესება არ არის?
- ამ სექტის წარმომადგენლები ვერ სარგებლობენ შემწეობებით, თუ დამთავრებული არ აქვთ სამისიონერო სკოლა ბრუკლინში. ასეთ შემთხვევაში ორგანიზაცია მოღვაწეობას გისპონსორებს. ამისთვის საჭიროა ორგანიზაციის ისტორიის, დოქტრინების, ინგლისურის ზედმიწევნით ცოდნა და მთავარი, ჯანმრთელობა უნდა გიწყობდეს ხელს შემდგომი მოღვაწეობისთვის.
- შენ რა დაინტერესება გქონდა?
- ფინანსური ნამდვილად არ ყოფილა. პირიქით, მე იქით ვყრიდი ფულს შესაწირ ყულაბაში. პირდაპირ გიპასუხებთ, მეგონა, რომ ეს იყო ჭეშმარიტება.
- როდის მიხვდი, რომ შეგეშალა?
- როცა დამოუკიდებლად დავიწყე კვლევა. არ დავჯერდი ბრუკლინის წიგნებს და წმინდა მამების ნაშრომების კითხვა დავიწყე.
- ოჯახი გვიან შექმენი?
- სკოლა რომ დავამთავრე, ვულკანიზაციაში ვმუშაობდი, იქ აღმოვაჩინე, რომ სიმღერის ნიჭი მქონდა. ლუჩანო პავაროტი მღეროდა რადიოში და ავყევი. ჩავაბარე კონსერვატორიაში. რომ მკი-თხეს, რა ნოტს ხურავო, ვერ გავიგე. ჩემთვის ეს მუსიკალური ტერმინოლოგია უცხო იყო. მერე მქონდა სპექტაკლებიც. კონსერვატორია რომ დავამთავრე, სექტაში მოვხვდი. იქ გავიცანი ჩემი მომავალი მეუღლე. ათი წელი ვიცხოვრეთ ერთად. 7 წლის შვილი გვყავს.
- შენს სექტიდან წამოსვლას მეუღლე როგორ შეხვდა?
- ძალიან რთულად, ეს ეტაპობრივად მოხდა, მეუღლეს ფსიქოლოგიურად ვამზადებდი. კარდაკარ ქადაგება მინიმუმამდე დავიყვანე, მაგრამ ვერ ვუმხელდი რატომ. რომ მეთქვა, აღარ მწამს ეს სარწმუნოება-მეთქი, განდგომილის იარლიყს მომაკრავდნენ. განდგომილთან ცხოვრება არ შეიძლება. მე მისთვის საფრთხეს წარმოვადგენ, მაგრამ სხვა გზა არ მქონდა, დადგა დრო, როცა უნდა მეთქვა. ხუთი წუთი ვთხოვე ყველაფრის ასახსნელად, რომ მისგან კი არა, ორგანიზაციიდან მივდიოდი. ეს ერთი და იგივე არ არის, მე არ ვეთანხმები მათ, მაგრამ შენ მიყვარხარ-მეთქი, ვუთხარი. ყურებზე ხელი აიფარა, არაფრის გაგონება არ მინდაო. 6 დღის მერე წავიდა.
- შვილთან ურთიერთობა გაქვს?
- როგორ არა, დღესაც მე წავიყვანე სკოლაში. ვესაუბრები რელიგიაზეც. არაფერში არ მადანაშაულებს. მეუბნება, ერთ გაკვეთილზე მაინც დარჩი, რომ სკოლაში იცოდნენ, მარტო დედა კი არა, მამაც მყავსო.
- ტაქსის მძღოლობა როდიდან დაიწყე?
- 7 წელია, ოჯახს ამით ვარჩენ. მანამდე ცოტა ხანს რესტორანში ვმღეროდი. მერე მივხვდი, რომ ასე ოჯახს ვერ შევინახავდი და ტაქსაობა დავიწყე. თვეში 100 დოლარს ვიხდი ალიმენტში.
- ალიმენტამდე რატომ მივიდა საქმე, ბავშვს ნებით არ ეხმარებოდი?
- როგორ არა, უბრალოდ, ჩემს ყო-ფილ მეუღლეს ეშინოდა, მე ხომ მონას-ტერშიც ვიყავი, მოკლე ჩართვა მქონდა თავში. ზედმეტად კარგად ვიცოდი მათი დოქტრინები, ერთ-ერთი ლიდერი ვიყავი, რომ გამოვდიოდი კრებებზე, ხა-ლხი ყურადღებით მისმენდა. და უცბად ყველაფერი თავდაყირა დავაყენე. მო-ნასტერში წავედი. ჩემს მეუღლეს შეე- შინდა, რომ ქმრისა და ფულის გარეშე რჩებოდა.
- საყვარელი ადამიანი დაკარ-გე...
- (გვაწყვეტინებს. - ავტ.) არ დამიკარგავს, იმედს არ ვკარგავ, რომ დავიბრუნებ. დღესაც ველაპარაკე და დამპირდა, ვიფიქრებო. აჟიტირებულია, სომხური ტელევიზიის ეთერით მნახა, იფიქრა, რომ მალე მთელი მსოფლიო გამიცნობს, ამიტომ თუ არ გამაჩუმებს, უხუცესები გაბრაზდებიან...
- გამოდის, რომ შესაძლოა, მხო-ლოდ გასაჩუმებლად დაგიბრუნდეს?
- შეიძლება და უნდა მივხვდე, გულწრფელია თუ არა მარგარიტა.
- როგორ გგონია, მარგარიტა გგულშემატკივრობს ''ნიჭიერში''?
- რა თქმა უნდა, წმინდა ფინანსური მომენტია. რაც უფრო მეტი ფული მექ-ნება, ჩვენს შვილს წაადგება. იცის, რომ ბავშვს ფულის გარეშე არ დავტოვებ, მე ხომ ქრისტიანი ვარ. ცოლი არ მომიყვა-ნია, მას ველოდები.
- 7 თვეა, რაც ერთმანეთს დაშორდით, ასე უცებ როგორ მოი-ყვანდი ცოლს?
- ჯიბრზე მოვიყვანდი, მაგრამ მე ასე არ ვცხოვრობ. მითხრეს, თუ ''ნიჭიერს'' მოვიგებ და ფული მექნება, შემიძლია, სასამართლოში შვილის დასა-ბრუნებლად სარჩელი შევიტანო, მაგრამ ამისთვის მჭირდება მეუღლე, რომელიც ჩემს შვილს მეურვეობას გაუწევს. ყო-ფილა მსგავსი პრეცედენტები, მოუგიათ მამებს პროცესები. მარტო ამისთვის შე-მეძლო მომეყვანა ცოლი, მაგრამ არ მოვიყვანე. მარტო ვცხოვრობ ქირით, ჩემს პატარა კელიაში, საჭმლის გაკეთებაც ვისწავლე. ვლოცულობ, ვმარხულობ.
- სახლი არ გაქვს?
- თაღლითობის მსხვერპლი გავხდი, ნაგირავებში ვცხოვრობდით და ცნო-ბილმა თაღლითმა, იზოლდა ძაძამიამ გირაოს ფული გამომძალა. მე არ ვარ მარტო, ამ ქალმა 25 ოჯახი დააზარალა.
- როგორ გგონია, რა შანსები გაქვს ''ნიჭიერში''?
- ჩემი გამარჯვება შედგა, ჩემი ამ პროექტში მონაწილეობა პატრიარქ-მა აკურთხა. ამაზე მეტი გამარჯვება არსებობს? ხალხმა გამიცნო, როგორც ქრისტიანი, ფული მექნება თუ არა, რა მნიშვნელობა აქვს. თუ ფულსაც მოვი-გებ, შვილს დავიბრუნებ. ჩემთვის არ მჭირდება ფული, ტანსაცმელსაც კი არ ვყიდულობ, ყველაფერი შვილისთ-ვის მინდა. ვისაც ასეთი ტრაგედია არ გამოუცდია, ის ვერ გამიგებს. ჩვენი ყოველი შეხვედრა და მერე განშორება ორივესთვის სტრესია.
ნინო მჭედლიშვილი
ჟურნალი ''რეიტინგი''
